శ్రీలంకలో ఆ 5 ప్లేయర్స్ ను అడ్డుకుంటే విజయం మనదే ?
ఇక్కడ ఉన్న రికార్డును బట్టి చూస్తే చేజింగ్ చేసే టీం కు గెలుపు అవకాశాలు ఎక్కుగా ఉంటాయని తెలుస్తోంది. సిరీస్ కు ముందు మాజీ క్రికెటర్లు శ్రీలంకకు లైట్ గా తీసుకోకండి... మొన్న జరిగిన ఆసియా కప్ ను గుర్తు తెచ్చుకోండి ఎటువంటి అంచనాలు లేకుండా వచ్చి టైటిల్ ను అందుకుని అందరినీ ఆశ్చర్యపరిచింది అంటూ హెచ్చరించారు. ఇక శ్రీలంక టీం లో ఉన్న ఆ అయిదుమంది ఆటగాళ్లను కనుక అడ్డుకుంటే ఇండియా విజయాన్ని ఆపడం సాధ్యం కాదు. వారిలో ముందుగా శ్రీలంక కెప్టెన్ దసున్ శనక గురించి చెప్పుకోవాలి.. మంచి ఆల్ రౌండర్ గా ఎంతో కాలం నుండి జట్టును ముందుండి నడిపిస్తున్నాడు. ఎటువంటి బంతిని అయినా సునాయాసంగా స్టాండ్స్ లోకి పంపగల దిట్ట శనక. ఇక బౌలింగ్ లోనూ టైట్ ఓవర్లు వేసి ప్రత్యర్థిపై ఒత్తిడి తీసుకురాగలడు.
ఇక ఓపెనర్ పతుమ్ నిస్సంక చాలా కాలంగా మంచి ఫామ్ లో కొనసాగుతున్నాడు. ఇతనిని త్వరగా అవుట్ చేయకపోతే కష్టమే. భానుక రాజపక్స ఈతరం టీ 20 డేంజరస్ బ్యాట్స్మన్ లలో ఒకరు. ఏ క్షణం ఎలా ఆడుతునాడు అన్నది ఎవ్వరూ ఊహించలేము. బౌలింగ్ లో హాసరంగా మరియు తీక్షణల ను ఆచితూచి ఆడకపోతే వికెట్ సమర్పించుకోవడం పక్కా. సో .. ఈ అయిదుగురు ఆటగాళ్ల విషయంలో జాగ్రత్తగా ఉండకపోతే ఓటమై ఖాయం.