క్లీన్ స్వీప్ చేసిన ఇంగ్లాండ్... కివీస్ కు ఘోర ఓటమి !
మూడవ టెస్ట్ లో ఇంగ్లాండ్ 7 వికెట్ల తేడాతో కివీస్ ను ఓడించి సిరీస్ ను క్లీన్ స్వీప్ చేసింది. దీనితో కివీస్ పై విమర్శలు వస్తున్నాయి. అయితే ఈ సిరీస్ ను కోల్పోవడానికి ప్రధాన కారణం మాత్రం కివీస్ టాప్ ఆర్డర్ మాత్రమే అని చెప్పాలి. మొత్తం మూడు టెస్ట్ లలో కూడా అడపదడపా లాతమ్ తప్పించి ఇంకెవ్వరూ ఆశించిన మేర ఆకట్టుకోలేదు. ముఖ్యంగా కెప్టెన్ విలియం సన్ ఆడింది ఒక్క మ్యాచ్ అయినా అందులోనూ ఫెయిల్ అయ్యాడు.
టీం మొత్తం మీద డారిల్ మిచెల్ మరియు కీపర్ బ్యాట్స్మన్ టామ్ బ్లాండెల్ లు మాత్రం తన అద్భుతమైన ఆటతీరుతో అందరినీ ఆకట్టుకున్నారు. జట్టు కష్టాల్లో ఉన్న ప్రతి సరి ఆదుకుని ఒడ్డుకు చేర్చారు. కానీ మిగిలిన ఆటగాళ్ల నుండి సరైన స్పందన లేకపోవడంతో ఓటమి తప్పలేదు. ఈ సిరీస్ నుండి న్యూజిలాండ్ చాలా విషయాలను నేర్చుకోవలసిన అవసరం ఎంతైనా ఉంది. అంతే కాకుండా తీవ్ర ఒత్తిడిలో ఉన్న కేన్ విలియం సన్ కూడా కాస్త విశ్రాంతి తీసుకోవడం మంచిది. మరి చూద్దాం రానున్న సిరీస్ లలో కివీస్ బౌన్స్ బ్యాక్ అవుతుందేమో ?