తృటిలో చావు నుంచి తప్పించుకున్న ఆస్ట్రేలియా క్రికెటర్.. ఏం జరిగిందంటే?
కాగా ఆస్ట్రేలియా క్రికెటర్ ట్రెవిస్ హెడ్ 6 నెలల గర్భవతి అయిన తన భార్య తో హాలిడే వెకేషన్ ఎంజాయ్ చేయడానికి మాల్దీవ్స్ కు వెళ్ళాడు. అక్కడ సరదాగా గడిపిన వీరిద్దరూ ఇటీవల ఆస్ట్రేలియాకు తిరుగు ప్రయాణం అయ్యారు. అయితే ఇంకో 45 నిమిషాల్లో విమానం గమ్యస్థానానికి చేరుకుంటుందన్న సమయంలో వారు ప్రయాణిస్తున్న విమానంలో సాంకేతిక లోపం తలెత్తింది. దీంతో విమానాన్ని ఎమర్జెన్సీ ల్యాండింగ్ చేయాలని భావించాడు పైలెట్. ఇక మొదటి ప్రయత్నంలో ఫ్లైట్ ల్యాండింగ్ చేయడంలో విఫలమయ్యాడు. ఇక రెండో ప్రయత్నంలో ఫ్లైట్ ల్యాండింగ్ చేసినప్పటికీ ఆయన పక్కన ఉన్న పొదల్లోకి వెళ్లిపోయింది విమానం. అయితే ప్రైవేట్ చాకచక్యంగా వ్యవహరించడంతో పెనుప్రమాదం తప్పింది అని చెప్పాలి.
ఇక ఈ విషయాన్ని ట్రెవిస్ హెడ్ భార్య జెస్సికా డేవిస్ తన ఇంస్టాగ్రామ్ లో షేర్ చేసింది. హాలిడే వెకేషన్ సరదాగా గడిపి ఆస్ట్రేలియకు తిరుగు ప్రయాణం అవ్వడానికి విమానం ఎక్కాము. కానీ గంట ప్రయాణంలో 30 నిమిషాలు పూర్తయిన తర్వాత సాంకేతిక లోపం తలెత్తింది. దేవుడి దయవల్ల ప్రాణాలతో బయటపడ్డాము. నా బిడ్డ లోకాన్ని చూడకుండానే నేను చనిపోతాను ఏమో అనిపించింది అంటూ చెప్పుకొచ్చింది జెస్సికా కాగా ట్రెవిస్ హెడ్ ఆస్ట్రేలియా తరపున 2016 లో అంతర్జాతీయ క్రికెట్ లో ఆరంగేట్రం చేశాడు. ఇప్పటివరకు ఆసిస్ తరఫున 26 టెస్టులు 40 వన్డే మ్యాచ్లు 17 టి20 మ్యాచ్లు ఆడాడు.