అస్సలు విడిచిపెట్టొదు.. ప్రతీకారం తీర్చుకోండి : షోయబ్ అక్తర్
దీంతో పాకిస్థాన్ క్రికెట్ బోర్డు కు ఊహించని షాక్ తగిలింది అని చెప్పాలి. ఇక ఇటీవల ఇంగ్లండ్ జట్టు కూడా ఇలాంటి తరహా నిర్ణయం తీసుకోవడం సంచలనంగా మారిపోయింది. ఇంగ్లాండ్ మహిళల పురుషుల జట్లు అక్టోబర్లో పాకిస్థాన్లో పర్యటించాల్సి ఉంది. కానీ పాకిస్తాన్ పర్యటనపై తాము ఏమాత్రం సుముఖంగా లేము అంటూ ఇంగ్లండ్ క్రికెట్ బోర్డు స్పష్టం చేసింది. ఈ క్రమంలోనే పాకిస్తాన్ మాజీ ఆటగాళ్లు స్పందిస్తూ విదేశీ క్రికెట్ బోర్డులు వ్యవహరిస్తున్న తీరుపై తీవ్రస్థాయిలో విమర్శలు గుప్పిస్తున్నారు. ఇటీవల ఇదే విషయంపై పాకిస్తాన్ మాజీ ఆటగాడు షోయబ్ అక్తర్ స్పందించాడు.
ఇటీవలే ఇంగ్లాండ్ క్రికెట్ బోర్డు పాకిస్థాన్ పర్యటనను రద్దు చేసుకోవడానికి కేవలం న్యూజిలాండ్ మాత్రమే కారణం అంటూ షోయబ్ అక్తర్ ఆగ్రహం వ్యక్తం చేశాడు. ఇటీవలే షోయబ్ అక్తర్ యూట్యూబ్ ఛానల్ వేదికగా ఒక వీడియో విడుదల చేశారు. ఇటీవలే ఇంగ్లాండ్ జట్టు మనల్ని రిజెక్ట్ చేసింది. అయినా ఏం పర్వాలేదు. టి20 వరల్డ్ కప్లో కలుసుకుందాం ముఖ్యంగా బ్లాక్ క్యాప్స్ ని ఎక్కువగా గుర్తుపెట్టుకుంటాం పంజా విసిరాల్సిన సమయం వచ్చింది. ఇక న్యూజిలాండ్ జట్టును అస్సలు వదిలిపెట్టొద్దు బాబర్ అజమ్ అంటూ షోయబ్ అక్తర్ వ్యాఖ్యానించాడు. ఇలా పాకిస్తాన్ క్రికెట్ ను అవమానించిన జట్లపై వరల్డ్ కప్ లో పైచేయి సాధించి ప్రతీకారం తీర్చుకోవాలి అని సూచించాడు.