വെള്ളാർമല സ്കൂളിലെ കുഞ്ഞുങ്ങളെ ചേർത്തുപിടിച്ച് മുഖ്യമന്ത്രി പിണറായി വിജയൻ!
വെള്ളാർമല സ്കൂളിലെ കുഞ്ഞുങ്ങളെ ചേർത്തുപിടിച്ച് മുഖ്യമന്ത്രി പിണറായി വിജയൻ! കലോത്സവ വേദിയിലെ പ്രധാന ആകർഷണം വെള്ളാർമല സ്കൂളിലെ കുട്ടികൾ അവതരിപ്പിച്ച സംഘനൃത്തമായിരുന്നു. കുട്ടികളോട് കുശലം ചോദിക്കാനും ഫോട്ടോ എടുക്കാനും മുഖ്യമന്ത്രി പിണറായി വിജയനും വിദ്യാഭ്യാസ മന്ത്രി വി ശിവൻകുട്ടിയും എത്തിയിരുന്നു. ഇതിനിടയിലാണ് ഒരു വിദ്യാർഥി വെള്ളാർമല സ്കൂൾ അതെ സ്ഥലത്ത് തങ്ങൾക്ക് തിരിച്ചുവേണമെന്ന് ആവശ്യപ്പെട്ടത്. ഈ വിദ്യാർഥിനിയുടെ തലയിൽ കൈവെച്ച മുഖ്യമന്ത്രി നിങ്ങളുടെ സ്കൂൾ അത് അവിടെ തന്നെയുണ്ടാകുമെന്ന് കുട്ടികൾക്ക് ഉറപ്പ് നല്കുകയായിരുന്നു. ഇതിന്റെ ദൃശ്യങ്ങളാണ് ഇപ്പോൾ സാമൂഹിക മാധ്യമങ്ങളിൽ പ്രചരിക്കുന്നത്. ഉരുൾപൊട്ടൽ കവർന്ന വെള്ളാർമല ജിവിഎച്ച്എസ്എസ് പുനസൃഷ്ടിക്കുമെന്ന് ഉറപ്പ് നൽകി മുഖ്യമന്ത്രി പിണറായി വിജയൻ.. ഏഷ്യയിലെ ഏറ്റവും വലിയ കൗമാര കലാമേളയായ കേരള സംസ്ഥാന സ്കൂൾ കലോത്സവത്തിന് സംഘനൃത്തം അവതരിപ്പിക്കാൻ എത്തിയ കുട്ടികളെ ചേർത്തുപിടിച്ചാണ് മുഖ്യമന്ത്രി ഉറപ്പ് നൽകിയത്.
അതേസയം, കലാപ്രകടനം എന്നതിലുപരി അതിജീവനത്തിന്റെ കൂടി നേർക്കാഴ്ചയാവുകയാണ് ഇത്തവണത്തെ സംസ്ഥാന സ്കൂൾ കലോത്സവമെന്ന് മുഖ്യമന്ത്രി കൂട്ടിച്ചേർത്തു. തിരുവനന്തപുരം സെൻട്രൽ സ്റ്റേഡിയത്തിൽ 63-ാമത് സംസ്ഥാന സ്കൂൾ കലോത്സവത്തിന്റെ ഉദ്ഘാടനം ചടങ്ങിലാണ് മുഖ്യമന്ത്രി ഇക്കാര്യം പറഞ്ഞത്. മുണ്ടക്കൈ-ചൂരൽമല ദുരന്തം അതിജീവിച്ച വെള്ളാർമല ജിഎച്ച്എസിലെ വിദ്യാർത്ഥികൾ ഉദ്ഘാടന വേദിയിൽ സംഘനൃത്തം അവതരിപ്പിക്കാനെത്തിയത് അതീവ സന്തോഷകരവും പ്രതീക്ഷയും നൽകുന്നുവെന്നും മുഖ്യമന്ത്രി കൂട്ടിച്ചേർത്തു.ഫ്യൂഡൽ വ്യവസ്ഥയ്ക്കെതിരെ ആഞ്ഞടിച്ച തോപ്പിൽ ഭാസിയുടെ 'നിങ്ങളെന്നെ കമ്മ്യൂണിസ്റ്റാക്കി' എന്ന നാടകത്തിനെതിരെ എത്രയോ ആക്രമണങ്ങൾ നടന്നുവെന്നും മുഖ്യമന്ത്രി വേദിയിൽ പറഞ്ഞു.
പ്രതികൂല സാഹചര്യങ്ങളെ മനസ്സു തളരാതെ അതിജീവിക്കാൻ വേണ്ട മനോബലം കൂടി കലാരംഗത്തേക്കു കടക്കുന്നവർ സ്വായത്തമാക്കണമെന്നും മുഖ്യമന്ത്രി പറഞ്ഞു. 'മുണ്ടക്കൈയിൽ ഉരുൾപൊട്ടിയപ്പോൾ വെള്ളാർമല സ്കൂളിന്റെ ഒരു ചെറിയ ഭാഗം മാത്രമാണ് തകരാതെ അവശേഷിച്ചത്. എന്നാൽ ആ വിദ്യാലയത്തിന്റെ ചൈതന്യം കൈവിടാതെ കാത്തുസൂക്ഷിക്കാൻ അവിടത്തെ കുഞ്ഞുങ്ങൾക്കാകുന്നു എന്നു തെളിയിച്ച നൃത്തശില്പമാണ് ഇന്ന് സംസ്ഥാന സ്കൂൾ കലോൽസവ വേദിയിൽ അരങ്ങേറിയത്. പ്രതിസന്ധികളിൽ തളരാത്ത കേരളത്തിന്റെ അജയ്യമായ കരുത്ത് ഏറ്റവും മനോഹരമായി ആവിഷ്കരിക്കപ്പെട്ട നിമിഷമായിരുന്നു അത്. അവരുടെ സംഘനൃത്തം നാടിന്റെ ഐക്യത്തിന്റെയും ആത്മവീര്യത്തിന്റെയും പ്രതീകമായി മാറി. കുട്ടികളെ കാണാനും ആശീർവദ്ദിക്കാനും സാധിച്ചത് അനുപമമായ സന്തോഷമാണ് നൽകിയത്.
അവർ പകർന്ന സന്ദേശം ഉയർത്തിപ്പിടിച്ച് ഈ കലോൽസവം ഏറ്റവും മികച്ച രീതിയിൽ നടത്താൻ സാധിക്കണം. വെള്ളാർമല സ്കൂളിലെ കുഞ്ഞുങ്ങൾക്ക് ഹൃദയാഭിവാദ്യങ്ങൾ!' എന്ന് മുഖ്യമന്ത്രി പറഞ്ഞു. കലോത്സവ വേദിയിലെ പ്രധാന ആകർഷണം വെള്ളാർമല സ്കൂൾ കുട്ടികൾ അവതരിപ്പിച്ച നൃത്തമായിരുന്നു. സ്കൂൾ ബാഗുമായി സ്റ്റേജിൽ എത്തിയ കുട്ടികൾ പിന്നീട് തങ്ങൾക്കുണ്ടായ ദുരിതവും മലവെള്ളപ്പാച്ചിലിൽ ഭീകരതയും നൃത്തത്തിലൂടെ അവതരിപ്പിച്ചിരുന്നു. കാണികളുടെ മനസലിയിക്കുന്ന കാഴ്ച്ചയായി ഇതുമാറുകയും ചെയ്തു.
‘വെള്ളാർമല സ്കൂൾ തിരികെ വരും, ഞങ്ങൾ ഉയർത്തെഴുന്നേൽക്കും’ എന്ന പ്രതീക്ഷയുടെ നൃത്തമാണ് കുട്ടികൾ സ്റ്റേജിൽ പങ്കുവെച്ചത്.
കുട്ടികളോട് കുശലം ചോദിക്കാനും ഫോട്ടോ എടുക്കാനും മുഖ്യമന്ത്രി പിണറായി വിജയനും വിദ്യാഭ്യാസ മന്ത്രി വി ശിവൻകുട്ടിയും എത്തിയിരുന്നു. ഇതിനിടയിലാണ് ഒരു വിദ്യാർഥി വെള്ളാർമല സ്കൂൾ അതെ സ്ഥലത്ത് തങ്ങൾക്ക് തിരിച്ചുവേണമെന്ന് ആവശ്യപ്പെട്ടത്. ഈ വിദ്യാർഥിനിയുടെ തലയിൽ കൈവെച്ച മുഖ്യമന്ത്രി നിങ്ങളുടെ സ്കൂൾ അത് അവിടെ തന്നെയുണ്ടാകുമെന്ന് കുട്ടികൾക്ക് ഉറപ്പ് നല്കുകയായിരുന്നു.
കുട്ടികളോട് കുശലം ചോദിക്കാനും ഫോട്ടോ എടുക്കാനും മുഖ്യമന്ത്രി പിണറായി വിജയനും വിദ്യാഭ്യാസ മന്ത്രി വി ശിവൻകുട്ടിയും എത്തിയിരുന്നു. ഇതിനിടയിലാണ് ഒരു വിദ്യാർഥി വെള്ളാർമല സ്കൂൾ അതെ സ്ഥലത്ത് തങ്ങൾക്ക് തിരിച്ചുവേണമെന്ന് ആവശ്യപ്പെട്ടത്. ഈ വിദ്യാർഥിനിയുടെ തലയിൽ കൈവെച്ച മുഖ്യമന്ത്രി നിങ്ങളുടെ സ്കൂൾ അത് അവിടെ തന്നെയുണ്ടാകുമെന്ന് കുട്ടികൾക്ക് ഉറപ്പ് നല്കുകയായിരുന്നു.