കാൻസർ വാക്സിൻ വികസിപ്പിച്ച് റഷ്യ; അടുത്ത വർഷം സൗജന്യമായി വിതരണം!
കാൻസർ വാക്സിൻ വികസിപ്പിച്ച് റഷ്യ; അടുത്ത വർഷം സൗജന്യമായി വിതരണം! കാൻസറിനെതിരെ റഷ്യ സ്വന്തമായി എംആർഎൻഎ വാക്സിൻ വികസിപ്പിച്ചുവെന്നും ജനങ്ങൾക്ക് സൗജന്യമായി വിതരണം ചെയ്യുമെന്നും റഷ്യൻ ആരോഗ്യ മന്ത്രാലയത്തിന് കീഴിലെ റേഡിയോളജി മെഡിക്കൽ റിസർച്ച് സെൻ്റർ ജനറൽ ഡയറക്ടർ ആൻഡ്രി കപ്രിൻ റഷ്യൻ വാ‍ർത്താ ഏജൻസിയായ ടാസിനോട് പറഞ്ഞു. കാൻസർ വാക്സിനുകൾ ഉടൻ വികസിപ്പിക്കുമെന്ന് റഷ്യൻ പ്രസിഡൻ്റ് വ്ലാഡിമിർ പുടിൻ നേരത്തെ അറിയിച്ചിരുന്നു. കാൻസർ വാക്സിൻ വികസിപ്പിച്ചുവെന്ന് റഷ്യൻ ആരോഗ്യ മന്ത്രാലയത്തിൻ്റെ പ്രഖ്യാപനം. റഷ്യയ്ക്ക് പുറമേ, മറ്റ് രാജ്യങ്ങളും കാൻസർ വാക്സിൻ വികസിപ്പിക്കാനുള്ള ശ്രമം നടത്തുന്നുണ്ട്. കഴിഞ്ഞ വർഷം യുകെ സർക്കാർ ജർമൻ ബയോടെക്നോളജി കമ്പനിയുമായി ഇതുസംബന്ധിച്ച കരാറിൽ ഒപ്പുവെച്ചിരുന്നു.
വിവിധ മരുന്ന് കമ്പനികളും കാൻസർ വാക്സിനുകൾക്കായി ശ്രമം നടത്തുന്നുണ്ട്. അതേസമയം കാൻസർ വാക്സിൻ്റെ പേര് ഉൾപ്പെടെയുള്ള കൂടുതൽ വിവരങ്ങൾ റഷ്യ പുറത്തുവിട്ടിട്ടില്ല. വാക്സിൻ എത്രമാത്രം ഫലപ്രദമാണെന്ന കാര്യത്തിലും വ്യക്തതയില്ല. കാൻസർ വാക്സിനുകൾ വികസിപ്പിക്കുന്ന നടപടികൾ അന്തിമഘട്ടത്തിലാണെന്ന് പ്രസിഡൻ്റ് വ്ലാഡിമിർ പുടിൻ ഈ വർഷം ഫെബ്രുവരിയിൽ അറിയിച്ചിരുന്നു. വ്യക്തിഗത തെറാപ്പികൾക്കായി വാക്സിൻ ഉടൻ തന്നെ ഫലപ്രദമായി ഉപയോഗിക്കുമെന്ന് പ്രതീക്ഷിക്കുന്നതയും അദ്ദേഹം അറിയിച്ചിരുന്നു. റഷ്യയിൻ കാൻസർ രോഗികളുടെ എണ്ണത്തിൽ വർധന ഉണ്ടാകുന്ന സാഹചര്യത്തിലാണ് ഇടപെടൽ എന്നാണ് റിപ്പോർട്ട്. 2022ൽ മാത്രം 6,35,000ലധികം കാൻസർ കേസുകൾ രാജ്യത്ത് കണ്ടെത്തിയെന്നാണ് റിപ്പോർട്ട്.
ഇതിൽ ഏറെയും വൻകുടൽ, സ്തനം, ശ്വാസകോശം എന്നീ അവയവങ്ങളെയാണ് ബാധിച്ചിരിക്കുന്നത്. 2025 ആദ്യം തന്നെ വാക്സിൻ സൗജന്യമായി വിതരണം ചെയ്യുമെന്നാണ് പ്രഖ്യാപനം. പൊതുജനങ്ങൾക്ക് നേരിട്ട് നൽകാതെ, കാൻസർ രോഗികളുടെ ചികിത്സയ്ക്കായാണ് വാക്സിൻ ഉപയോഗിക്കുകയെന്നാണ് റിപ്പോർട്ട്. വാക്സിൻ ട്യൂമർ വികസനത്തെയും കാൻസർ സെല്ലുകളുടെ വ്യാപനത്തെയും തടയുന്നതായി പ്രീ ക്ലിനിക്കൽ ട്രയലുകളിൽ കണ്ടെത്തിയെന്ന് ഗമാലേയ നാഷണൽ റിസർച്ച് സെൻ്റർ ഫോർ എപ്പിഡെമിയോളജി ആൻഡ് മൈക്രോബയോളജി ഡയറക്ടർ അലക്സാണ്ടർ ഗിൻ്റ്സ്ബർഗ് ടാസിനോട് പറഞ്ഞു. റഷ്യയ്ക്ക് പുറമേ, മറ്റ് രാജ്യങ്ങളും കാൻസർ വാക്സിൻ വികസിപ്പിക്കാനുള്ള ശ്രമം നടത്തുന്നുണ്ട്. കഴിഞ്ഞ വർഷം യുകെ സർക്കാർ ജർമൻ ബയോടെക്നോളജി കമ്പനിയുമായി ഇതുസംബന്ധിച്ച കരാറിൽ ഒപ്പുവെച്ചിരുന്നു. വിവിധ മരുന്ന് കമ്പനികളും കാൻസർ വാക്സിനുകൾക്കായി ശ്രമം നടത്തുന്നുണ്ട്.