చిరంజీవి : అన్నగా గర్వంగా వుంది.. పవన్ గెలుపుపై మెగాస్టార్ ట్వీట్ వైరల్..
ఆంధ్రప్రదేశ్ లో అసెంబ్లీ ఎన్నికలలో పవన్ కళ్యాణ్ ఘన విజయం సాధించాడు. పిఠాపురం నుంచి ఎమ్మెల్యే అభ్యర్థిగా పోటీ చేసిన ఆయన ప్రత్యర్థి వైసీపీ అభ్యర్థి వంగా గీతాపై భారీ విజయాన్ని సాధించారు.పవర్ స్టార్ పవన్ కల్యాణ్ సుమారు డెబ్బై వేలకు పైగా కోట్ల మెజారిటీతో భారీ విజయం సాధించారు.. ఈ క్రమంలో టాలీవుడ్ ఇండస్ట్రీ నుంచి చాలా మంది ప్రముఖులు పవన్కి శుభాకాంక్షలు తెలియజేస్తున్నారు. ఈ క్రమంలో మెగాస్టార్ చిరంజీవి పవన్ కల్యాణ్ గెలుపుపై స్పందించారు.. మొదట్నుంచి పవన్ కి సపోర్ట్ గా నిలిచిన చిరంజీవి ఎన్నికలకు ముందు జనసేన పార్టీకి ఏకంగా ఐదు కోట్ల విరాళం కూడా అందించాడు. ఈ క్రమంలో పవన్ కల్యాణ్ ఎన్నికల్లో భారీ మెజారిటీతో గెలిచారు.అలాగే జనసేన పార్టీ నుంచి పోటీ చేసిన 21 మంది అభ్యర్థులు కూడా విజయం దిశగా దూసుకుపోతున్నారు.
ఈ నేపథ్యంలో చిరంజీవి చేసిన ట్వీట్ బాగా వైరల్ అయింది.”డియర్ కళ్యాణ్ బాబు..ఎక్కడ నెగ్గాలో, ఎక్కడ తగ్గాలో తెలిసిన నిన్ను, తగ్గావని ఎవరు అనుకున్నా అది ప్రజలని నెగ్గించటానికే అని నిరూపించిన నిన్ను చూస్తుంటే ఒక అన్నగా గర్వంగా వుంది. నువ్వు గేమ్ చేంజర్ వి మాత్రమే కాదు, మాన్ ఆఫ్ ది మ్యాచ్ వి” అని అందరూ నిన్ను పొగుడుటుంటే నా హృదయం ఉప్పొంగుతోంది !!నీ కృషి, నీ త్యాగం, నీ ధ్యేయం, నీ సత్యం జనం కోసమే! ఈ అద్భుతమైన ప్రజా తీర్పు, రాష్ట్ర భవిష్యత్తు కోసం, ప్రజల సంక్షేమం కోసం, అలాగే నీ కలల్ని, నువ్వేర్పరుచుకున్న లక్ష్యాల్ని నిజం చేసే దిశలో నిన్ను నడిపిస్తాయని ఆకాంక్షిస్తూ, ఆశీర్వదిస్తూ, శుభాభినందనలు. నీవు ప్రారంభించే ..ఈ కొత్త అధ్యాయంలో నీకు శుభం కలగాలని , విజయం సాధించాలని మనస్ఫూర్తిగా ఆశిస్తున్నా` అంటూ చిరంజీవి చేసిన ట్వీట్ బాగా వైరల్ అవుతుంది.