మల్లన్నసాగర్ లో నీళ్లు.. ఈ ప్రాజెక్ట్ లో ఉరితాళ్లు..!
ఎన్నో ఏళ్ల నుంచి భూమిని భుక్తిని నమ్ముకొని తమ సర్వస్వం అయినా వ్యవసాయాన్ని ప్రాజెక్టు నిర్మాణం కోసం దానం చేసి, కొంతమంది మేము భూమి కోల్పోతే లక్షల ఎకరాలకు నీరు వస్తుందని ఒక రైతన్న బాధను ఈ నిర్వాసిత రైతన్నలు అర్థం చేసుకొని ప్రాజెక్టు నిర్మాణానికి తమ భూములను ఇచ్చారు. ఇక్కడ ప్రభుత్వం వారికి అందించే పరిహారం కనీసం వారికి ఇల్లు కట్టుకోడానికి కూడా సరిపోలేదు. ఇంకా మమ్మల్ని ప్రభుత్వం ఆదుకోవాలని వాళ్ళు డిమాండ్ చేస్తున్నారు. దీనిలో భాగంగానే వినూత్న నిరసన చేపట్టారు. మరి అది ఎక్కడో తెలుసుకుందామా..!
2007 లో నిర్మాణ పనులు ప్రారంభమైన గౌరవెల్లి ప్రాజెక్ట్ ను 2014లో కుర్చీ వేసుకొని పూర్తి చేస్తానన్న సీఎం కెసిఆర్, గౌరవెల్లి ప్రాజెక్టు తర్వాత 2016 లో నిర్మాణం ప్రారంభించిన మల్లన్నసాగర్, రంగనాయక సాగర్, కొండపోచమ్మ, అనంతగిరి ప్రాజెక్టులను పూర్తిచేసి జాతికి అంకితం చేయడం గౌరవెల్లి ప్రాజెక్ట్ భూ నిర్వాసితుల పట్ల ప్రభుత్వ నిర్లక్ష్యానికి నిదర్శనమన్నారు. ఏది ఏమైనా తమకు పూర్తి నష్టపరిహారం వచ్చే వరకు నిరసనను కొనసాగిస్తామని భూ నిర్వాసితులు తెలిపారు. దీనిపై ప్రభుత్వం వెంటనే స్పందించి ఆ నిర్వాసితుల రైతులను ఆదుకోవాలని వారు ఆవేదన వ్యక్తం చేస్తున్నారు.