ఏపీ : రైతులకు శుభవార్త ?
ఏపీ గవర్నమెంట్ రైతులకు శుభవార్త చెప్పింది. మరోసారి మన అన్నదాతలకు ఇన్‌పుట్‌ సబ్సిడీ ఇచ్చేందుకు జగన్ ప్రభుత్వం సిద్ధమైంది. మంగళవారం నాడు (ఫిబ్రవరి 15) రైతుల ఖాతాల్లో ఇన్‌పుట్‌ సబ్సిడీ జమ చేయనున్నారు సీఎం జగన్ మోహన్ రెడ్డి.2021 వ సంవత్సరంలో నవంబర్‌లో భారీ వర్షాలు, వరదల వల్ల పంట నష్టపోయిన రైతులకు ఇన్‌పుట్‌ సబ్సిడీ ఇవ్వాలని గవర్నమెంట్ నిర్ణయించిన సంగతి తెలిసిందే. ఉదయం 11 గంటల సమయానికి క్యాంపు కార్యాలయం నుంచి వర్చువల్ విధానంలో డబ్బును జమ చేయనున్నారు. ఇక ఆంధ్ర రాష్ట్రంలోని 5,71,478 మంది రైతులకు ఇన్‌పుట్‌ సబ్సిడీ ద్వారా లబ్ధి చేకూరనుంది. అందుకే రైతుల ఖాతాల్లోకి రూ.534.77 కోట్లు జమ చేయనున్నారు.ఇక దీని ద్వారా 1220 రైతు గ్రూపులకు వైఎస్ఆర్ యంత్రసేవా పథకం కింద 29.51 కోట్ల లబ్ధి అనేది చేకూరనుంది. ఇన్‌పుట్‌ సబ్సిడీ ఇంకా అలాగే యంత్ర సేవా పథకం కలిపి మొత్తం 564.28 కోట్లు పంపిణీ అనేది చేయనున్నారు.
ఇక ముఖ్యమంత్రిగా జగన్ బాధ్యతలు చేపట్టినప్పటి నుంచి ప్రకృతి వైపరీత్యాల కారణంగా నష్టపోయిన 19.93 లక్షల మంది రైతులకు రూ.1,612 కోట్ల సాయంని అందించారు.ఇక ఏ సీజన్ లో జరిగిన నష్టానికి అదే సీజన్ లో నష్టపరిహారం చెల్లిస్తున్నామని జగన్ మోహన్ రెడ్డి తెలిపారు. అన్నదాతలను ఆదుకునేందుకు గవర్నమెంట్ చిత్తశుద్ధితో పని చేస్తోందని వెల్లడించారు. గత ప్రభుత్వం పెండింగ్ లో పెట్టిన బకాయిలను కూడా ఈ ప్రభుత్వం తీర్చిందని జగన్ మోహన్ రెడ్డి గుర్తు చేశారు. ప్రకృతి వైపరీత్యాలు అనేవి వచ్చినప్పుడు రైతులు ఆందోళన చెందాల్సిన పనిలేదని జగన్ మోహన్ రెడ్డి భరోసా ఇచ్చారు. ప్రతి రైతుకు ఇంకా ప్రతి ఎకరాకు పరిహారం అందిస్తామని తెలిపారు. భారీ వర్షాల కారణంగా నష్టపోయిన రైతులను కూడా ఆదుకుంటామని జగన్ హామీ ఇచ్చారు. రైతులకు అండగా ఉండాలన్నదే తమ ప్రభుత్వ లక్ష్యమని ఆయన చెప్పారు.