പാലാ ബിഷപ്പിന്റെ പ്രസ്താവന ദുരുദ്ദേശപരമല്ലെന്ന് ജോസഫ് വിഭാഗം!
പാലാ ബിഷപ്പിന്റെ പ്രസ്താവന ദുരുദ്ദേശപരമല്ലെന്ന് ജോസഫ് വിഭാഗം! നാർക്കോട്ടിക്ക് ജിഹാദ് പരാമർശത്തിനെതിരെ ശക്തമായ വിമർശനവുമായി കോൺഗ്രസ് മുന്നോട്ടു പോകുമ്പോഴാണ് ജോസഫ് വിഭാഗം വിരുദ്ധ നിലപാട് സ്വീകരിച്ചിരിക്കുന്നത്. ബിഷപ്പിന്റെ പ്രസ്താവന ദുരുദ്ദേശപരമല്ലെന്നാണ് ജോസഫ് വിഭാഗം പറയുന്നത്. യുഡിഎഫ് യോഗത്തിൽ പാലാ ബിഷപ്പ് ജോസഫ് കല്ലറങ്ങാട്ടിനെ പിന്തുണച്ച് കേരളാ കോൺഗ്രസ് ജോസഫ് വിഭാഗം. ഇരു വിഭാഗത്തേയും വിശ്വാസത്തിലെടുത്ത് ചർച്ചകൾ നടത്താനാണ് യുഡിഎഫ് യോഗത്തിന്റെ തീരുമാനം. ബിഷപ്പിന്റെ പ്രസ്താവനയുടെ അടിസ്ഥാനത്തിൽ രൂപപ്പെട്ട പ്രതിസന്ധി പരിഹരിക്കാൻ സർവ്വകക്ഷി യോഗം വേണമെന്ന് കോൺഗ്രസ് ആവശ്യപ്പെട്ടിരുന്നു.
ഇതിനിടെയാണ് മുന്നണിക്കുള്ളിൽ രണ്ട് ചേരികൾ രൂപപ്പെട്ടിരിക്കുന്നത്. അതേസമയം ബിഷപ്പിന്റെ പ്രസ്താവനയാണ് വിവാദങ്ങൾക്ക് ഇടയാക്കിയതെന്ന് മുസ്ലിം ലീഗ് കുറ്റപ്പെടുത്തി. ബിഷപ്പ് നടത്തിയ പ്രസ്താവന ദുർവ്യാഖ്യാനം ചെയ്തെന്നാണ് ജോസഫ് വിഭാഗത്തിന്റെ വാദം. സഭാ സമൂഹത്തോട് മാത്രം പറഞ്ഞ കാര്യത്തെ ദുരുദ്ദേശത്തോടെ കാണേണ്ടതില്ല. പ്രസ്താവന ദുർവ്യാഖ്യാനം ചെയ്യരുതെന്ന് സഭ ആവശ്യപ്പെട്ട സ്ഥിതിക്ക് അതിനെ വിശ്വാസത്തിലെടുക്കണമെന്ന് ജോസഫ് വിഭാഗം പറയുന്നത്. ബിഷപ്പിന്റേത് അടിസ്ഥാനരഹിതമായ പ്രസ്താവനയാണെന്ന് മുഖ്യമന്ത്രി വ്യക്തമാക്കിയിരുന്നു. വിഷയത്തിൽ സിറോ മലബാർ സഭ ഒറ്റപ്പെട്ട സാഹര്യത്തിലാണ് പ്രതിരോധവുമായി ജോസഫ് വിഭാഗം രംഗത്തെത്തിയിരിക്കുന്നത്.
പാലായിലും കടുത്തുരുത്തിയിലും ലഭിച്ച വിജയത്തിനു പിന്നിൽ സഭയുടെ പിന്തുണയുണ്ടെന്ന് ജോസഫ് വിഭാഗം ഓർമ്മിപ്പിച്ചു. ലവ് ജിഹാദ്, മറ്റൊന്ന് നാർക്കോട്ടിക്ക് ജിഹാദ്. ഇതിൽ പ്രണയവും മയക്കുമരുന്നുമൊക്കെ ഏതെങ്കിലും മതത്തിന്റെ കണക്കിലേക്ക് തള്ളേണ്ടതല്ല. അതിന്റെ പേരിൽ വിവാദങ്ങൾക്ക് തീകൊടുത്ത് നമ്മുടെ നാടിന്റെ ഐക്യത്തിനും സമാധാനത്തിനും ഭംഗം വരുത്താനുള്ള തൽപ്പര കക്ഷികളുടെ വ്യാമോഹം അത് വ്യാമോഹമായിത്തന്നെ അവസാനിക്കുകയേ ഉള്ളൂ- മുഖ്യമന്ത്രി പറഞ്ഞു. ബിഷപ്പ് നടത്തിയ പ്രസ്താവന ദുർവ്യാഖ്യാനം ചെയ്തെന്നാണ് ജോസഫ് വിഭാഗത്തിന്റെ വാദം.
അതേസമയം ബിഷപ്പിന്റെ പ്രസ്താവന തള്ളി മുഖ്യമന്ത്രി രംഗത്തെത്തിയിരുന്നു. നിർഭാഗ്യകരമായ ഒരു പരാമർശം അതിലൂടെ നിർഭാഗ്യകരമായ ഒരു വിവാദം നമ്മുടെ നാട്ടിൽ ഉയർന്നുവന്നു. ഈ ഘട്ടത്തിൽ അത്യന്തം നിർഭാഗ്യകരമായ രീതിയിൽ വിവാദം സൃഷ്ടിക്കാൻ ചില കേന്ദ്രങ്ങൾ വലിയ തോതിൽ ശ്രമിക്കുകയുമാണ്. ഇപ്പോൾ രണ്ട് പ്രശ്നങ്ങളാണ്.