మోహన్ బాబు నుండి క్లారిటీ వచ్చేసింది !
ఆ సమయంలో మోహన్ బాబు ఇచ్చిన చెక్ బౌన్స్ అయ్యి చెల్లలేదని వైవీఎస్ కేసు పెట్టగా దానికి ఈ రోజు వచ్చిన తీర్పుపై కలెక్షన్ కింగ్ ఇప్పుడు ఒక క్లారిటీ ఇచ్చారు. ఇవన్నీ తప్పుడు సమాచారాలు అంటూ కొట్టిపడేసారు మోహన్ బాబు.వారు సలీం సినిమా చేస్తున్న సమయంలో ఆ సినిమా కొరకు చెల్లించాల్సిన మొత్తం వైవీఎస్ కు చెల్లించేసామని, ఆ తర్వాత కూడా ఆయన దర్శకత్వంలోనే మరో సినిమా చేద్దామనుకున్నామని అందుకు గాను ఒక 40 లక్షల రూపాయల చెక్ ఇచ్చామని అన్నారు. అయితే సలీం సినిమా అనుకున్న స్థాయి ఫలితాన్ని అందుకోకపోడంతో ఆ తర్వాత వారు అనుకున్న ప్రాజెక్ట్ ఆపేద్దామని చెప్పేసాం అంటూ ఆయన వివరణ ఇచ్చారు.
అలాగే ఆ చెక్ కూడా బ్యాంకులో వెయ్యొద్దని వైవీఎస్ కు తెలిపామని కానీ ఆయన వినకుండా బ్యాంకులో వేసి చెక్కు చెల్లదంటూ తమపై తిరిగి కేసు వేసారని తెలిపారు.దీనితో వారికి అనుకూలంగా తీర్పు వచ్చే విధంగా చేసి కేసును తప్పుదోవ పట్టించారని ఆరోపణ చేసారు. ఆ తీర్పుని తాము సెషన్స్ కోర్టులో ఛాలెంజ్ చేస్తున్నాం. కొన్ని చానెల్స్లో తమపై వస్తున్నటువంటి ఆరోపణలు ఎవరు నమ్మొద్దు అంటూ మోహన్ బాబు ఒక సూపర్ క్లారిటీ ఇచ్చేసారు.