IMD: తెలుగు రాష్ట్రాల్లో మళ్ళీ వడగళ్ల వానలు?

Purushottham Vinay
ఇక రెండు తెలుగు రాష్ట్రాల్లో మళ్లీ వడగళ్ల వర్షాలు కురిసే అవకాశం ఉందని వాతావరణ శాఖ హెచ్చరికని జారీ చేసింది. ఇప్పటికే భారీగా వానలు కురియడంతో పంటలన్నీ కూడా నీటమునిగి చాలా తీవ్రంగా నష్టపోయిన రెండు రాష్ట్రాల రైతులు మళ్లీ వాతావరణశాఖ హెచ్చరికలతో ఎంతగానో ఆందోళన చెందుతున్నారు. తెలంగాణ, దక్షిణ ఛత్తీస్‌గఢ్‌ ఇంకా అలాగే ఒడిశా మీదుగా రాయలసీమ నుంచి దక్షిణ ఝార్ఖండ్‌ వరకు సముద్ర మట్టానికి  మొత్తం 1.5 కిలోమీటర్ల ఎత్తులో ద్రోణి కొనసాగుతోందని వాతావరణశాఖ వివరించింది.రాబోయే 3 రోజుల్లో ఆంధ్రప్రదేశ్‌ రాష్ట్రవ్యాప్తంగా తేలికపాటి నుంచి మోస్తరు వర్షాలు లేదా ఈదురుగాలులతో కూడిన జల్లులు కురిసే అవకాశం ఉందని తెలిపింది. కృష్ణా, కాకినాడ, ప్రకాశం, నెల్లూరు, పల్నాడు, ఏలూరు, చిత్తూరు వంటి జిల్లాల్లో గురువారం నాడు ఓ మోస్తరు వర్షం కురిసింది. ఆంధ్రప్రదేశ్ ముఖ్యమంత్రి వైఎస్‌.జగన్‌ అధికారులుతో రివ్యూ మీటింగ్‌ నిర్వహించి.. ఎన్యూమరేషన్‌ ప్రక్రియని ప్రారంభించాలని సూచించారు.


తెలంగాణ రాష్ట్రంలో మరోసారి పలు ప్రాంతాల్లో వడగళ్ల వాన కురిసే అవకాశం ఉందని వాతావరణశాఖ హెచ్చరించింది. శుక్ర, శనివారాల్లో అయితే ఉరుములు, మెరుపులు, ఈదురుగాలులతో కూడిన వర్షాలనేవి కురిసే అవకాశాలున్నాయని హైదరాబాద్‌ వాతావరణ కేంద్రం తెలిపింది. తెలంగాణ రాష్ట్రంలోని కుమురంభీం ఆసిఫాబాద్‌, పెద్దపల్లి ఇంకా కరీంనగర్‌ జిల్లాల్లో ఇప్పటికే ఓ మోస్తరు వర్షాలు కురుస్తున్నాయి.ఇంకా అలాగే ఉత్తర, ఈశాన్య తెలంగాణ జిల్లాల్లో భారీగా వర్షాలు కురిసే అవకాశముందని వాతావరణ శాఖ అధికారులు చెబుతున్నారు. తెలంగాణ రాష్ట్ర సిఎం కెసిఆర్‌ తీవ్ర పంట నష్టం వాటిల్లిన పలు జిల్లాల్లో పర్యటించి అక్కడ నష్టపోయిన పంట పొలాలను పరిశీలించారు. నష్టపోయిన రైతులకు ఎకరాకు పది వేల రూపాయల చొప్పున పరిహారాన్ని ఆయన ప్రకటించారు.కాబట్టి  వడగళ్ల వానలు పడుతుండటం వల్ల జనాలు ఖచ్చితంగా ఇంట్లోనే ఉండండి. రాబోయే మూడు రోజులు ఎక్కువగా బయటకి రాకండి..

మరింత సమాచారం తెలుసుకోండి:

సంబంధిత వార్తలు: