కేసీఆర్ కు గుడి కట్టిన భక్తుడు..రోజూ పూజ..
సినీ హీరో, హీరోయిన్లకు ఎలాగైతే అభిమానులు ఉన్నారో అలాగే రాజకీయ నాయకులకు కూడా అభిమానులు ఉన్నారు..గతంలో చాలా మంది తమ ప్రియమైన నేతల కోసం ఏదొక పని చేస్తూ వార్తల్లో నిలిచారు. తాజాగా ఓ వ్యక్తి తన ప్రియమైన నేత కు ఏకంగా గుడి కట్టించిన ఘటన ఆలస్యంగా వెలుగులోకి వచ్చింది.. అతను చేసిన పని కొందరికి సంతోషాన్ని కలిగిస్తే.. మరి కొంతమంది మాత్రం కోపాన్ని వ్యక్తం చేస్తున్నారు.. అసలు అతను ఎందుకు అలా చేశాడు అనే వివరాల గురించి ఇప్పుడు తెలుసుకుందాం..
తెలంగాణ ముఖ్యమంత్రి కి వీరాభిమాని, భారత రాష్ట్ర సమితి అధినేత ప్రధానమంత్రి కావాలని ఆకాంక్షిస్తూ కే చంద్రశేఖర్ రావు ఆలయాన్ని నిర్మించారు. ఆలయం లో కేసీఆర్ విగ్రహాన్ని కూడా ప్రతిష్టించారు. గోగుల శ్రీనివాస్ అనే వ్యక్తి ప్రస్తుతం తెలంగాణ లోని నల్గొండ జిల్లా నిడమానూరు గ్రామాని కి చెందిన పోలీస్ కానిస్టేబుల్ గా పనిచేస్తున్నాడు. కేసీఆర్ అంటే తనకు మొదటి నుంచి అభిమానమని చెప్పుకొచ్చారు. ప్రత్యేక తెలంగాణ కోసం కేసీఆర్ చేస్తున్న ఉద్యమం నుండి, శ్రీనివాస్ తన భావజాలం, స్ఫూర్తికి ఆకర్షితుడయ్యాడు.
ఆ తర్వాత కెసిఆర్ సిఎం అయిన తర్వాత అతను ఉప్పొంగిపోయాడు. అంతేకాదు ఉద్యోగాల కు సెలవు పెట్టి ప్రత్యేక రాష్ట్రం కోసం కేసీఆర్ తలపెట్టిన ఉద్యమంలో పాల్గొన్నారు. గోగుల శ్రీనివాస్ తన అభిమానాన్ని చాటుకునేందుకు రూ.20 లక్షలు వెచ్చించి కేసీఆర్ కు గుడి కట్టించాడు. ఆ భూమి ని కొని అందులో గుడి కట్టించాడు. అందులో కేసీఆర్ విగ్రహాన్ని కూడా ప్రతిష్టించి నిత్యం పూజలు చేస్తున్నారు. కేసీఆర్ పై ఉన్న అభిమానం వల్లే ఈ ఆలయ నిర్మాణాని కి శ్రీకారం చుట్టినట్లు శ్రీనివాస్ తెలిపారు. కేసీఆర్ ను భారత ప్రధానిగా చూడాలన్నదే తన కోరిక అని అంటున్నారు.. మొత్తానికి నెట్టింట ప్రత్యేక ఆకర్షణగా నిలిచాడు..