అస్సాం సీఎంను వణికించిన కాంగ్రెస్ మహిళా నేతలు...
అయితే తాజాగా ఈ విషయంపై కాంగ్రెస్ నేత మాజీ మంత్రి గీతా రెడ్డి మరియు తెలంగాణ పిసిసి వర్కింగ్ ప్రెసిడెంట్ రేణుకా చౌదరి లు మహిళా కమిషన్ కు ఫిర్యాదు చేశారు. ఈ విషయం గురించి గీతా రెడ్డ్డి మాట్లాడుతూ ఒక ముఖ్యమంత్రిగా ఉన్న వ్యక్తి ఇంత దిగజారి మాట్లాడుతారా అంటూ నిలదీశారు. ఇలాంటి వారికీ సీఎం గా ఉండే అర్హత లేదని దుయ్యబట్టారు. తాను రాహుల్ గాంధీ పై చేసిన అసభ్య వ్యాఖ్యలకు క్షమాపణ చెప్పి వెంటనే సీఎం గా రాజీనామా చేయాలని డిమాండ్ చేశారు.
ఇలాంటి కామెంట్స్ పేరిట సమాజానికి ఏమి మెసేజ్ ఇవ్వాలని అనుకుంటున్నాడు అంటూ ఇద్దరు మహిళా నాయకులు ఒక రేంజ్ లో రెచ్చిపోయారు. సీఎం హిమంతకు మహిళలు అంటే ఏ మాత్రం గౌరవం లేదని మహిళా కమిషన్ చైర్ పర్సన్ సునీతా లక్ష్మిరెడ్డికి ఫిర్యాదు చేశారు. అయితే దీనిపై స్పందించిన సునీతా ఈ విషయం తన పరిధిలోకి రాదని కేంద్ర కమిషన్ కు పంపుతానని చెప్పారని తెలుస్తోంది. అంతే కాకుండా రేణుకా చౌదరి చివరగా ఇలా వ్యాఖ్యలు చేయడం ఇదే చివరి సారి కావాలని గట్టి వార్నింగ్ ఇచ్చారు. మరి ముందు ముందు ఇంకెంత దుమారాన్ని రేపుతుందో చూడాలి.