మంటెక్కిన మునక్కాడా.. కిలో ఎన్ని వందలో తెలుసా?
ముఖ్యం గా ఏపీలో అయితే కూరగాయల ధరలు ఆకాశాన్ని అంటుతున్నాయి అని చెప్పడం లో అతి శయోక్తి లేదు. ఎందుకంటే ఇటీవల వరదల కారణం గా ఏపీలో భారీగా పంట నష్టం వాటిల్లింది. దీంతో కూర గాయల ధరలు ఒక్క సారిగా కొండెక్కి కూర్చున్నాయి. ఇటీవలే టమాట ధరలు ఏకంగా వంద రూపాయలు దాటటం తో సామాన్య ప్రజలందరూ ఆందోళన చెందారు. కేవలం టమాటో ధరలు మాత్రమే కాదు అటు మిగతా కూరగాయల ధరలు కూడా భారీగా పెరిగి పోయాయి.
ఇక ఇప్పుడు మునక్కాయ ధరలు కూడా ఒక్కసారిగా కొండెక్కి సామాన్యుడికి భారంగా మారి పోయాయ్ అని అర్థమవుతుంది. చిత్తూరు జిల్లా మదనపల్లి మార్కెట్ లో కిలో మునక్కాయ ధర 600 రూపాయలు పలుకుతూ ఉండడం గమనార్హం. కేజీకి గరిష్టంగా 15 మునక్కాయాలు వస్తాయి. అంటే కిలో 600 చొప్పున లెక్కేస్తే ఒక్క మునక్కాయ 40 రూపాయల వరకు పలుకుతుంది. ఇలా మునక్కాయ ధరలు మండిపోతు ఉండడంతో సామాన్య ప్రజలందరూ బెంబేలెత్తిపోతున్నారు. మరి మునక్కాయ ధరలు పెరిగిపోవడం సామాన్యుడు పై ఎలా ప్రభావం చూపుతుంది అని మీరు అనుకుంటున్నారు?