‘ది ప్యారడైజ్’ హైప్ కోసం భారీ రిస్క్ నాని స్ట్రాటజీ సక్సెస్ అవుతుందా?
టాలీవుడ్ న్యాచురల్ స్టార్ నాని సినిమా వస్తుందంటే అది పక్కా ప్లానింగ్తో, వేగంగా దూసుకువస్తుంది. కానీ, గత కొంతకాలంగా నాని కెరీర్ గ్రాఫ్ ఒక విచిత్రమైన పరిస్థితిని ఎదుర్కొంటోంది. గతేడాది మే నెలలో వచ్చిన ‘హిట్-3’ తర్వాత ఇప్పటివరకు నాని నుంచి మరో సినిమా రాకపోవడం ఫ్యాన్స్ను ఆశ్చర్యానికి గురిచేస్తోంది. దీనికంతటికీ కారణం శ్రీకాంత్ ఓదెల దర్శకత్వంలో రూపొందుతున్న ‘ది ప్యారడైజ్’ అనే క్రేజీ ప్రాజెక్ట్. ఈ ఒక్క సినిమా ఆలస్యం కావడం వల్ల నాని చేతిలో ఉన్న మూడు అద్భుతమైన ఆఫర్లు వేరే హీరోల పరం కావడం ఇప్పుడు చర్చనీయాంశంగా మారింది.
నాని ఎప్పుడూ తన డేట్స్ విషయంలో చాలా పక్కాగా ఉంటారు. కానీ ‘ది ప్యారడైజ్’ కోసం తీసుకుంటున్న సుదీర్ఘ సమయం వల్ల ఇతర దర్శకులు నాని కోసం వెయిట్ చేయలేక వేరే హీరోలతో ముందుకు వెళ్తున్నారు. ‘హాయ్ నాన్న’తో క్లాసిక్ హిట్ ఇచ్చిన శౌర్యువ్, నాని కోసం ఒక అద్భుతమైన స్క్రిప్ట్ రెడీ చేశారు. కానీ నాని బిజీగా ఉండటంతో ఈ ప్రాజెక్ట్ ఇప్పుడు విజయ్ దేవరకొండ చేతికి వెళ్ళింది.‘జై భీమ్’ సినిమాతో ప్రకంపనలు సృష్టించిన టీజే జ్ఞానవేల్, నాని కోసం ఒక స్పెషల్ కథ సిద్ధం చేశారు. నాని డేట్స్ దొరకకపోవడంతో ఇప్పుడు ఆ స్క్రిప్ట్తో సూర్య రంగంలోకి దిగుతున్నాడు. ఈ కాంబో కూడా ప్రస్తుతం వెయిటింగ్ మోడ్లో లేదా పట్టాలెక్కని పరిస్థితికి చేరుకుంది.మాస్ డైరెక్టర్ సుజిత్ దర్శకత్వంలో నాని చేయాల్సిన ‘బ్లడీ రోమియో’ సినిమాపై కూడా ఈ ప్రభావం పడింది. ‘ది ప్యారడైజ్’ షూటింగ్ శరవేగంగా పూర్తి చేసి వస్తే తప్ప, సుజిత్ టీమ్ రంగంలోకి దిగలేరు. దీనివల్ల నాని మార్క్ స్పీడ్ ఇప్పుడు వెనకబడిందని ఇండస్ట్రీ వర్గాలు విశ్లేషిస్తున్నాయి.
‘దసరా’ వంటి బ్లాక్ బస్టర్ తర్వాత నాని - శ్రీకాంత్ ఓదెల మళ్ళీ కలుస్తుండటంతో ‘ది ప్యారడైజ్’ పై భారీ అంచనాలు ఉన్నాయి. బడ్జెట్ మరియు క్వాలిటీ విషయంలో రాజీ పడకుండా తీస్తుండటం వల్లే ఈ ఆలస్యం జరుగుతోందని తెలుస్తోంది. అయితే, ఈ ఒక్క సినిమా కోసం మూడు క్రేజీ ప్రాజెక్టులను వదులుకోవాల్సి రావడం నాని అభిమానులను కొంత నిరాశకు గురిచేస్తోంది.న్యాచురల్ స్టార్ తన మార్క్ వేగంతో మళ్ళీ షూటింగ్స్ పూర్తి చేసి, బాక్సాఫీస్ వద్ద తన సత్తా చాటాలని ఫ్యాన్స్ కోరుకుంటున్నారు. ‘ది ప్యారడైజ్’ విడుదలయ్యాక వచ్చే రిజల్ట్ ఈ త్యాగాలన్నింటికీ సమాధానం చెబుతుందని చిత్ర యూనిట్ ధీమాగా ఉంది.