తెలంగాణలోని సంగారెడ్డి జిల్లాలో గత కొన్ని రోజులుగా టాలీవుడ్ నిర్మాత మురళీకృష్ణ చట్టు పలు వివాదాలు చుట్టుముట్టాయి .. బాలకృష్ణ నరసింహనాయుడు సినిమా నిర్మాతగా పేరు తెచ్చుకున్న మురళీకృష్ణ .. పుల్కల్ మండలంలోనిగోంగ్లూర్ గ్రామంలో క్రాంతి అనే వ్యతితో భూ వివాదంలో ఇరుక్కున్నాడు .. ఇప్పుడు ఈ వివాదం కాస్త హింసాత్మక ఘటనగా మారడంతో స్థానికంగా తీవ్ర ఆందోళనలు చెలరేగాయి .. గోంగ్లూర్ గ్రామంలో మురళీకృష్ణ మరియు క్రాంతి మధ్య గత కొన్ని సంవత్సరాలుగా భూమికి సంబంధించిన వివాదం నడుస్తూ ఉంది ..
అయితే ఇప్పుడు తాజాగా క్రాంతి తన పొలానికి కంచ వేసుకునే ప్రయత్నం చేయగా మురళీకృష్ణ అనుచరులు దాన్ని అడ్డుకున్నారని ఆరోపణలు బయటికి వచ్చాయి .. అయితే ఇప్పుడు ఈ ఘటనలో క్రాంతి పై దాడి జరిగినట్టు కూడా తెలుస్తుంది . అదే విధంగా కాంతి ఆరోపణ ప్రకారం మురళీకృష్ణ అనుచరులు తన చేతులు కట్టేసి తనపై దాడి చేశారట . ఈ దాడిలో గాయపడిన క్రాంతి ప్రస్తుతం జోగిపేట ప్రభుత్వ ఆసుపత్రిలో వైద్యం పొందుతున్నాడు .
ఆ భూమి అమ్మితే మురళి కృష్ణకే అమ్మలి లేకపోతే చంపేస్తామని అతని బెదిరించినట్లు కూడా తెలిపాడు .. ఈ బెదిరింపుల తో పాటు దాడి జరగటంతో తన ప్రాణాలకు ముప్పు ఉందని క్రాంతి తీవ్ర ఆందోళన వ్యక్తం చేస్తున్నాడు .. ఈ దాడి అనంతరం క్రాంతి స్థానిక పోలీస్ స్టేషన్లో మురళీకృష్ణ మరియు ఆయన అనుచరులపై కంప్లైంట్ కూడా ఇచ్చాడు .. ఈ దాడి బెదిరింపులకు సంబంధించి పోలీసులు ఇప్పటికే కేసు నమోదు చేసి దర్యాప్తు మొదలుపెట్టినట్టు తెలుస్తుంది .. అయితే ఇప్పుడు ఈ విషయంపై మురళీకృష్ణ లేదా ఆయన బృందం నుంచి ఇంతవరకు ఎలాంటి అధికారక స్పందన బయటకు రాలేదు .. ప్రస్తుతానికి ఈ వివాదం సంగారెడ్డి జిల్లాలో ఎంతో హాట్ టాపిక్ గా మారింది . రాబోయే రోజుల్లో ఈ కేసు అలాంటి మలుపులు తిరుగుతుందో చూడాలి .