ఒక్కరోజు జైలు జీవితంతో సీఎం రేసులోకి వెళ్లిన అల్లు అర్జున్..?
అల్లు అర్జున్ ఒక్కరోజు జైలు జీవితంతో ఒక్కసారిగా దేశం మొత్తం హాట్ టాపిక్ గా మారిపోయారు. సంధ్య థియేటర్లో జరిగిన తొక్కిసలాటలో రేవతి మృతికి సంబంధించి చిక్కడపల్లి పోలీసులు అల్లు అర్జున్ ని నిన్న అరెస్టు చేసి గాంధీ హాస్పిటల్ కి తీసుకువెళ్లి వైద్య పరీక్షలు చేయించాక నాంపల్లి కోర్టు లో హాజరుపరిచారు. ఇక కోర్టులో అన్నీ పరిశీలించి వాద ప్రతివాదనల తర్వాత అల్లు అర్జున్ కి మధ్యంతర బెయిల్ ఇచ్చారు. ఇక అప్పటికే సమయం అయిపోవడంతో రాత్రంతా అల్లు అర్జున్ ని జైల్లోనే ఉంచి ఇవాళ ఉదయం ఆయన్ని రిలీజ్ చేశారు. ఇక అల్లు అర్జున్ ఒక్కరోజు జైలు జీవితం గడిపేయడంతో ఏకంగా సీఎం రేసులోకి వెళ్లిపోయారు. మరి ఇంతకీ ఒక్కరోజు జైలు జీవితానికి అల్లు అర్జున్ సీఎం రేసు లోకి వెళ్లడానికి గల కారణాలు ఏంటి అనేది ఇప్పుడు చూద్దాం..
మన రెండు తెలుగు రాష్ట్రాల్లో ఒక సెంటిమెంట్ ఉంది.. అదేంటయ్యా అంటే.. ఎవరైనా సెలబ్రిటీలు జైలుకు వెళ్తే తిరిగి వచ్చాక కచ్చితంగా సీఎంలు అవుతారు.అలా ఇప్పటికే ముగ్గురు ముఖ్యమంత్రుల విషయంలో జరిగింది. వాళ్ళు ఎవరంటే..ఏపీ మాజీ ముఖ్యమంత్రి జగన్మోహన్ రెడ్డి,ఏపీ తాజా ముఖ్యమంత్రి చంద్రబాబు నాయుడు.. అలాగే తెలంగాణ తాజా ముఖ్యమంత్రి రేవంత్ రెడ్డి.. ఈ ముగ్గురు ఏదో ఒక కేసులో చంచలగూడ జైలులో జైలు జీవితం గడిపిన వాళ్లే..
అలా జైలు జీవితం గడిపాక విడుదలై ప్రజల్లోకి వచ్చి ప్రజల ఆదరణ పొంది ఏకంగా రాష్ట్రాన్ని ఏలే ముఖ్యమంత్రి స్థాయికి ఎదిగారు.అయితే తాజాగా మహిళ మృతి చెందిన కేసులో జైలు పాలైన అల్లు అర్జున్ జైలులో ఉన్నది ఒక్కరోజు రాత్రి మాత్రమే.. అయినప్పటికీ ఏకంగా ఆయన సీఎం రేసులోకి వచ్చేసారు.. ఇక అల్లు అర్జున్ సీఎం అంటూ ఆయన అభిమానులు సోషల్ మీడియాలో పోస్టులు పెడుతున్నారు.