పుష్ప 2 మూవీని ఫ్రీగా చూడాలి అనుకుంటున్నారా.. మూవీ లవర్స్ కి బంపర్ ఆఫర్ ప్రకటించిన సంస్థ..?
ఐకాన్ స్టార్ అల్లు అర్జున్ ప్రస్తుతం పుష్ప పార్ట్ 2 సినిమాలో హీరోగా నటిస్తున్న విషయం మన అందరికీ తెలిసిందే. ఈ సినిమాలో నేషనల్ క్రష్ రష్మిక మందన హీరోయిన్గా నటిస్తుండగా ... టాలెంటెడ్ డైరెక్టర్ సుకుమార్ ఈ సినిమాకు దర్శకత్వం వహిస్తున్నాడు. మైత్రి సంస్థ వారు భారీ బడ్జెట్ తో రూపొందిస్తున్న ఈ సినిమాకు దేవి శ్రీ ప్రసాద్ సంగీతం అందిస్తూ ఉండగా ... మలయాళ నటుడు ఫాహద్ ఫజిల్ ఈ సినిమాలో విలన్ పాత్రలో కనిపించబోతున్నాడు. అనసూయ , సునీల్ , రావు రమేష్ ఈ మూవీ లో ముఖ్య పాత్రలలో నటించనున్నారు. ఈ సినిమాను ఈ సంవత్సరం డిసెంబర్ 5 వ తేదీన విడుదల చేయబోతున్నారు.
ఈ సినిమా విడుదల తేదీ దగ్గర పడడంతో ఈ మూవీ నుండి ఇప్పటికే మూడు పాటలను కొన్ని ప్రచార చిత్రాలను మేకర్స్ విడుదల చేశారు. వాటికి మంచి రెస్పాన్స్ జనాల నుండి లభిస్తుంది. ఇక ప్రస్తుతం ఈ మూవీ యూనిట్ ఈ సినిమాకు సంబంధించిన ప్రమోషన్లను పెద్ద ఎత్తున నిర్వహిస్తోంది. ఇకపోతే ఈ సినిమా ఫ్రీ గా చూడాలి అనుకుంటున్నారా ..? అలా అయితే ఓ సంస్థ వారు బంపర్ ఆఫర్ ప్రకటించారు. తాజాగా ప్రముఖ ఈ కామర్స్ సంస్థ అయినటువంటి బ్లింక్ ఇట్ వారు పుష్ప 2 మూవీ టికెట్లను ఫ్రీ గా పొందే అవకాశాన్ని కల్పించింది.
ఇక ఈ సంస్థ వారు తమ యాప్ లో కిరాణా సామాన్లను కొన్న వారికి పుష్ప 2 టికెట్ వోచర్స్ ను ఉచితంగా ఇవ్వనున్నట్లు ప్రకటించింది. అయితే ఈ సంస్థ వారు ఓ చిన్న మెలిక పెట్టింది. అదేమిటి అంటే ... ఈ సంస్థ వారు తమ యాప్ ను ఉపయోగించి 999 రూపాయల కంటే ఎక్కువ ఆర్డర్ చేసిన వారికే ఈ ఆఫర్ వర్తిస్తుంది అని , అది కూడా నవంబర్ 23 వ తేదీ నుండి 29 వ తేదీ వరకు మాత్రమే అందుబాటులో ఉంటుంది అని ఈ సంస్థ అధికారికంగా ప్రకటించింది.