పుష్ప-2: 'కిసిక్' సాంగ్ తో కుమ్మేసిన శ్రీలీలా..బాక్స్ ఆఫీస్ ను షేక్ చేయడం పక్కా..!
టాలీవుడ్ స్టార్ హీరో అల్లు అర్జున్ హీరోగా సుకుమార్ డైరెక్షన్లో తెరకెక్కుతున్న పాన్ ఇండియా మూవీ పుష్ప2.రష్మిక హీరోయిన్గా వస్తున్నా ఈ మూవీపై అభిమానుల్లో భారీస్థాయిలో అంచనాలే ఉన్నాయి.అయితే ఈ మూవీను మేకర్స్ ప్రపంచ వ్యాప్తంగా డిసెంబర్ 5న విడుదలకు మొత్తం సిద్ధం చేశారు.అయితే దాంట్లో భాగంగానే మేకర్స్ ప్రమోషనల్ కార్యక్రమాల్లో వేగం పెంచేశారు.అయితే ఇప్పటికే ఈ మూవీ నుంచి విడుదలైన టీజర్‌, గ్లింప్స్‌, ట్రైలర్, పాటలు సినిమా పై అంచనాలను ఒక రేంజ్ లో పెంచేశాయి.అయితే ముఖ్యంగా ఈరోజు మూవీ నుండి లిరికల్ ఐటమ్ సాంగ్ విడుదల చేశారు. అయితే పుష్ప సినిమాలోని స్పెషల్ సాంగ్ 'ఊ అంటావా మావ ఊఊ అంటావా' పాట చార్ట్ బస్టర్ కావడంతో పుష్ప2 ది రూల్ లో స్పెషల్ సాంగ్ మీద ముందు నుంచి ప్రెజర్ ఉంది.దాంతో 'పుష్ప-2'పై భారీ అంచనాలు ఏర్పడ్డాయి.అది దృష్టిలో పెట్టుకుని దేవి శ్రీ ప్రసాద్ జాగ్రత్తలు చాలా తీసుకున్నారని అర్థం అవుతోంది. 'కిస్సిక్...' ట్యూన్ వింటే ఇన్స్టంట్ చార్ట్ బస్టర్ అని అవుతుందని ఫీలింగ్ కలుగుతోంది.రాక్ స్టార్ దేవి శ్రీ ప్రసాద్ ఇచ్చిన బాణీకి ఆస్కార్ పురస్కార గ్రహీత చంద్రబోస్ క్యాచీ లిరిక్స్ రాశారు.ముఖ్యంగా ఈ సినిమా కోసం నార్త్ ఆడియెన్స్‌ ఎంతో అతృతుగా ఎదురు చూస్తున్నారు.
పుష్ప మొదటి భాగంలో సమంత ఐటం సాంగ్ సంగతి తెలిసిందే. ''ఊ అంటావా మామ'' అంటూ సమంత చేసిన రచ్చ అంత ఇంత కాదు. దీంతో రెండో పార్ట్‌లో ఇలాంటి ఐటం సాంగ్‌నే సుకుమార్ ప్లాన్ చేశారు 'పుష్ప-2' స్పెషల్ సాంగ్‌లో టాలీవుడ్ డ్యాన్స్ క్వీన్ శ్రీలీలను తీసుకున్నారు. ఇప్పుడున్న హీరోయిన్లలో శ్రీలీల ఒక్కరే డ్యాన్స్ అదరకొడుతోంది. దీంతో చిత్ర యూనిట్ శ్రీలీల వైపే మొగ్గు చూపించారు.కిస్సిక్ సాంగ్ కోసం శ్రీ లీలకు రెండు కోట్ల రూపాయలు ఇచ్చినట్లు ప్రచారం జరిగింది. అయితే... అందులో నిజం లేదు అని టాక్. ఆమెకు కోటి రూపాయలకు అటు ఇటుగా ఇచ్చినట్లు సమాచారం. ఈ అమ్మడు ఫస్ట్ టైమ్ ఐటెం సాంగ్ చేయడం కూడా సినిమాకు తెలుగు, తమిళ, కన్నడ భాషల్లో మంచి బజ్ తీసుకు వచ్చింది.అయితే ప్రస్తుతం మేకర్స్ తాజాగా ఈ పాటను విడుదల చేశారు. 'కిస్ కిసిక్కా' అంటూ సాగే ఈ పాటలో అల్లు అర్జున్‌తో కలిసి శ్రీలీల దుమ్ములేపింది. ఇద్దరూ పోటీ పడి డ్యాన్స్ వేసినట్టు ఈ వీడియో సాంగ్ చూస్తే అర్ధం అవుతోంది. ఇక అల్లు అర్జున్-శ్రీలీల ఈ పాటకు మాస్ స్టెప్పులతో అదరగొట్టారు. ఈ పాటకు థియేటర్ల దగ్గర మాస్ జాతర జరగడం పక్కా అని అభిప్రాయం వ్యక్తం అవుతోంది. ''ఊ అంటావా మామ'' పాటకు మించిపోయే రేంజ్‌లో 'కిస్ కిసిక్కా' సాంగ్ ఉంది.ఇప్పుడీ 'కిస్సిక్...' కూడా దేశాన్ని ఒక ఊపు ఊపేస్తుందని చెప్పడంలో ఎటువంటి సందేహం అవసరం లేదు.