ప్రభాస్ బెస్ట్ ఫ్రెండ్ సెలైన్స్ వెన‌క... టాలీవుడ్‌లో ఏం జ‌రిగింది... ?
- ( టాలీవుడ్ - ఇండియా హెరాల్డ్ ) . .
టాలీవుడ్ యంగ్ రెబల్ స్టార్ ప్రభాస్ స్నేహితుల స్థాపించిన యూవీ క్రియేషన్స్ ఇటీవల ఊహించిన విధంగా చేదు అనుభవాలు ఎదుర్కొంటుంది. 2013లో ప్రభాస్ హీరోగా కొర‌టాల శివ ద‌ర్శ‌క‌త్వం లో వ‌చ్చిన మిర్చి సినిమాతో మొదలైన వీరి ప్రయాణంలో ఆ తర్వాత మిడిల్ రేంజ్ హీరోలతో మంచి విజయాలు అందుకున్నారు. భ‌లే భ‌లే మగాడివోయ్ - మహానుభావుడు - ప్రతిరోజు పండుగ లాంటి సినిమాలు మంచి లాభాలు అందించాయి. కానీ సాహో - రాధేశ్యాం లాంటి పెద్ద సినిమాలు ఆర్థికంగా పెద్ద దెబ్బ కొట్టాయి. ఆది పురుష్‌ సినిమాను తెలుగులో రిలీజ్ చేసి మరో దెబ్బ తిన్నారు. ఆ మధ్య కాస్త ఆచితూచి రిస్క్ చేశారు .. అవేమీ పెద్దగా లాభాలు ఇవ్వలేదు. అయితే తాజాగా కంగువ నిర్మాణంలో భాగం కాగా మరో గట్టి దెబ్బ తగిలింది. దీంతో స్పీడ్ తగ్గించిన మేకర్ విశ్వంభరపై భారీగా పెట్టుబడులు పెట్టారు.
ఈ సినిమాకు మంచి బిజినెస్ జరిగి రిలీజ్ అయ్యే వరకు మరో రిస్క్ చేయకూడదని ఫిక్స్ అయినట్టు తెలుస్తోంది. అందుకే ఇప్పటికే స్టార్ట్ కావాల్సిన రెండు సినిమాలను పక్కన పెట్టేశారు. జిల్ రాధాకృష్ణ దర్శకత్వంలో గోపీచంద్ తో ఓ సినిమా చేయటానికి యూవీ క్రియేషన్ చాలా రోజులుగా ప్లాన్ చేస్తుంది. అయితే ఇటీవల గోపీచంద్ సినిమాలు పెద్దగా విజయం సాధించకపోవడం.. విశ్వం సినిమా కూడా డిజాస్టర్ కావడంతో యూవీ క్రియేషన్స్ వెనుకడుగు వేసింది. ఇప్పుడు ఈ ప్రాజెక్టు 70mm అనే మరో సంస్థ చేతుల్లోకి వెళ్లిపోయింది.
ఇక అఖిల్ తో కూడా 100 కోట్ల బడ్జెట్ తో ఒక సినిమా అనుకున్నారు కొత్త దర్శకుడు అనిల్ తో ప్రీ ప్రొడక్షన్ స్టార్ట్ చేశారు. అయితే ఇప్పుడు ఈ ప్రాజెక్టు కూడా పెట్టేశారు .. లైన్ లో ఉన్న వరుణ్ తేజ్ - మేర్ల‌పాక గాంధీ సినిమాను సేఫ్ బడ్జెట్ లో నిర్మిస్తున్నారు. అది కూడా సోలోగా కాకుండా ఫస్ట్ ప్రైమ్ ఎంటర్టైన్మెంట్ వాళ్ళతో కలిసి నిర్మిస్తున్నారు. ఈ సినిమా సేఫ్ అయ్యే ఛాన్స్ ఉంది అని భావిస్తున్నారట. ఏది ఏమైనా యూవీ వాళ్లకు ఇప్పుడు రిస్కులకు భయంతో వెనక్కు తగ్గినట్టు తెలుస్తుంది చిరంజీవి విశ్వంభర సినిమాపై వీరి ఆశలు ఉన్నాయి.