చిరు.. నాగ్ వల్ల కాజల్ కెరీర్ పై ఎఫెక్ట్ పడిందా.. ఆ రెండు సినిమాల విషయంలో ఏం జరిగింది..?
టాలీవుడ్ ఇండస్ట్రీ లో సూపర్ క్రేజ్ కలిగిన హీరోయిన్లలో ఒకరిగా చాలా సంవత్సరాల పాటు కెరియర్ను కొనసాగించిన వారిలో కాజల్ అగర్వాల్ ఒకరు. ఈమె లక్ష్మీ కళ్యాణం అనే సినిమాతో తెలుగు తెరకు పరిచయం అయ్యి చందమామ అనే మూవీ తో మొదటి కమర్షియల్ విజయాన్ని అందుకుంది. మగధీర అనే సినిమాతో ఇండస్ట్రీ హిట్ ను అందుకొని టాలీవుడ్ ఇండస్ట్రీ లో టాప్ హీరోయిన్ స్థాయికి వెళ్లిపోయింది. ఇక ఆ తర్వాత ఈమె చాలా సంవత్సరాల పాటు వెనక్కు తిరిగి చూసుకోకుండా కెరియర్ను ఫుల్ జోష్లో ముందుకు సాగించింది. కొంత కాలం క్రితం ఈ బ్యూటీ బాలకృష్ణ హీరోగా రూపొందిన భగవంత్ కేసరి సినిమాలో హీరోయిన్గా నటించింది. ఈ మూవీ మంచి విజయాన్ని అందుకుంది.
ఇక ఆఖరుగా ఈ బ్యూటీ సత్యభామ అనే లేడీ ఓరియంటెడ్ సినిమాలో ప్రధాన పాత్రలో నటించింది. ఈ సినిమా ఈ ముద్దుగుమ్మకు నిరాశను మిగిల్చింది. చిరంజీవి , నాగార్జున సినిమాల ద్వారా ఈ బ్యూటీ కాస్త ఇబ్బందులు పడ్డట్లు కొన్ని వార్తలు అప్పట్లో వచ్చాయి. అది ఎలా అనుకుంటున్నారా ..? చిరంజీవి కొంత కాలం క్రితం ఆచార్య అనే సినిమాలో హీరో గా నటించిన విషయం మన అందరికీ తెలిసిందే. ఈ మూవీ లో కాజల్ అగర్వాల్ హీరోయిన్గా ఎంపిక అయింది. ఈమెపై కొన్ని సన్నివేశాలను కూడా చిత్రీకరించారు. ఒక పాటను మొదటగా ఈ మూవీ బృందం వారు విడుదల చేయగా అందులో కాజల్ కూడా కనిపించింది.
కానీ ఆ తర్వాత సినిమాలో మాత్రం ఈ బ్యూటీ కనిపించలేదు. ఇక నాగార్జున హీరోగా ది ఘోస్ట్ అనే మూవీ రూపొందిన విషయం మనకు తెలిసిందే. ఇందులో మొదట కాజల్ హీరోయిన్గా తీసుకున్నారట. కానీ కొన్ని కారణాల వల్ల ఈమె తప్పుకోవడంతో సోనాల్ చౌహాన్ ను ఈ సినిమాలో కాజల్ ప్లేస్ లో తీసుకున్నట్లు తెలుస్తోంది. అలా చిరంజీవి , నాగార్జున సినిమాలలో ఈ బ్యూటీ హీరోయిన్గా ఎంపిక అయిన ఆ తర్వాత ఒక సినిమాలో నటించిన కనిపించలేదు , మరొక సినిమా నుండి ఈమె తప్పుకుంది అని తెలుస్తుంది.