పుష్ప 2 ట్రైలర్ : సూపర్ రెస్పాన్స్.. కానీ ఆ మూవీల రికార్డులను క్రాస్ చేయలేకపోయిందే..?
ఐకాన్ స్టార్ అల్లు అర్జున్ హీరోగా రష్మిక మందన హీరోయిన్గా సుకుమార్ దర్శకత్వంలో పుష్ప పార్ట్ 2 అనే మూవీ రూపొందుతున్న విషయం మన అందరికీ తెలిసిందే. ఈ సినిమాను ఈ సంవత్సరం డిసెంబర్ 5 వ తేదీన విడుదల చేయనున్నారు. ఈ మూవీ విడుదల తేదీ దగ్గర పడడంతో నిన్న అనగా నవంబర్ 17 వ తేదీన పాట్నా వేదికగా ఈ సినిమా ట్రైలర్ను మేకర్స్ విడుదల చేశారు. ఈ మూవీ ట్రైలర్ కు ప్రేక్షకుల నుండి సూపర్ రెస్పాన్స్ లభించింది. ఇకపోతే ఇప్పటివరకు విడుదల అయిన తెలుగు సినిమా ట్రైలర్లలో అత్యధిక వేగంగా 100 కే లైక్స్ ను సాధించిన సినిమా ట్రైలర్లలో పుష్ప మంచి స్థానంలోనే నిలిచినప్పటికీ కొన్ని సినిమాలను మాత్రం దాటలేకపోయింది.
ప్రభాస్ హీరోగా రూపొందిన సలార్ సినిమా ట్రైలర్ విడుదల అయిన 3 నిమిషాల్లోనే 100 కే లైక్స్ ను సాధించింది. ఇక పవన్ కళ్యాణ్ , దగ్గుపాటి రానా హీరోలుగా రూపొందిన భీమ్లా నాయక్ మూవీ ట్రైలర్ 4 నిమిషాల్లో 100 కే లైక్స్ ను సాధించింది. పవన్ కళ్యాణ్ హీరోగా రూపొందిన వకీల్ సాబ్ మూవీ ట్రైలర్ 7 నిమిషాల్లో 100 కే లైక్స్ ను సాధించింది. ప్రభాస్ హీరోగా రూపొందిన కల్కి 2898 AD సినిమా ట్రైలర్ 7 ప్లస్ మినిట్స్ లో 100 కే లైక్స్ ను సాధించింది. రామ్ చరణ్ , జూనియర్ ఎన్టీఆర్ హీరోలుగా రూపొందిన ఆర్ ఆర్ ఆర్ మూవీ ట్రైలర్ 8 ప్లస్ నిమిషాల్లో 100 కే లైక్స్ ను సాధించింది. ఇక పుష్ప పార్ట్ 2 మూవీ ట్రైలర్ కూడా 8 ప్లస్ మినిట్స్ లో 100 కే లైక్స్ ను సాధించింది. ఇలా ఈ మూవీ ట్రైలర్ కు అద్భుతమైన రెస్పాన్స్ లభించిన 100 కే లైక్స్ ను అత్యంత వేగంగా సాధించిన ట్రైలర్ల విషయంలో మాత్రం కాస్త వెనకబడిపోయింది.