ఆశపెడుతూ ఊరిస్తున్న ప్రియాంక మోహన్..ఇచ్చేదిలేదుగా.?
నేచురల్ స్టార్ నాని నటించిన గ్యాంగ్‌లీడర్‌ ద్వారా తెలుగువారిని పలకరించారు ప్రియాంక మోహన్.బెంగళూరులో పుట్టి పెరిగారు ప్రియాంక మోహన్. దక్షిణ కన్నడ జిల్లాలోని మూడబిద్రితో ప్రాథమిక విద్యాభ్యాసం పూర్తి చేసిన ప్రియాంక.. బెంగళూరులోని పీఈఎస్ యూనివర్సిటీలో బయోలాజికల్ ఇంజనీరింగ్ చేశారు. ప్రస్తుతం ఆమె చెన్నైలో స్థిరపడ్డారు.చదువు పూర్తయిన తర్వాత నటన వైపు ఆసక్తి చూపిన ప్రియాంక.. 2019లో ఒందు కథే హెల్లా అనే కన్నడ మూవీతో సినీరంగ ప్రవేశం చేశారు.గ్యాంగ్ లీడర్ సినిమా ఆమెకు నటిగా మంచి గుర్తింపు తీసుకురావడంతో దక్షిణాదిన ఆఫర్లు క్యూకట్టాయి. 2021లో శివకార్తీకేయన్ హీరోగా నటించిన డాక్టర్ సినిమాతో ఆమె కోలీవుడ్ ఎంట్రీ ఇచ్చారు. ఇక ఆతరువాత డాక్టర్ మూవీ హిట్ కావడంతో తన ఫోకస్‌ని కంప్లీట్‌గా కోలీవుడ్‌పైనే పెట్టింది ప్రియాంక. ఎథరక్కమ్ థునిందవన్, డాన్, టిక్ టాక్, కెప్టెన్ మిల్లర్ వంటి సినిమాలలో వరుస అవకాశాలను దక్కించుకున్నారు . ప్రస్తుతం కోలీవుడ్‌లో ఆమె మోస్ట్ వాంటెడ్ హీరోయిన్‌గా నిలిచారు.ఈ ఏడాది వివేక్ ఆత్రేయ దర్శకత్వం వహించింన సరిపోదా శనివారం మూవీతో ప్రియాంక మరోసారి తెలుగు ప్రేక్షకులను పలకరించారు. ఈ సినిమాలో నేచురల్ స్టార్ నానితో ఆమె రెండోసారి జతకట్టారు.ఇదిలావుండగా అందం, అభినయ పరంగానే కాకుండా ఈ అమ్మడు ఇచ్చే క్యూట్ ఎక్స్ ప్రెషన్స్ కు కుర్రకారు ఫిదా అయిపోతున్నారు.సోషల్ మీడియాలో ఫుల్ యాక్టివ్ గా ఉండే ఈ ముద్దుగుమ్మ తాజాగా ఈ ఫొటోలను అందులో షేర్ చేసింది. ఓ గార్డెన్ లో జరిపిన ఫొటోషూట్ లో పాల్గొన్న ఈ ముద్దుగుమ్మ ఆ ఫొటోలను ఇన్ స్టా గ్రామ్ లో షేర్ చేయగా అవి కాస్తా వైరల్ గా మారాయి.ఆ ఫొటోలో ఐస్‌క్రీమ్ ఆశ చూపిస్తూ కెమెరాకు పోజులిస్తోన్నారు ప్రియాంక.ప్రస్తుతం ఏపీ డిప్యూటీ సీఎం పవన్ కళ్యాణ్ హీరోగా సాహో ఫేమ్ సుజిత్ దర్శకత్వంలో తెరకెక్కుతోన్న ఓజీలో ప్రియాంక హీరోయిన్‌గా నటిస్తున్నారు. కెరీర్‌లో తొలిసారిగా పవన్ వంటి స్టార్ హీరోతో నటిస్తుండటంతో ప్రియాంక ఉబ్బితబ్బిబ్బవుతోంది.