డాకు మహారాజ్ : టీజర్ సూపర్.. కానీ బాలయ్య తన రికార్డ్ నే బ్రేక్ చేయలేకపోయాడే..?
నందమూరి నట సింహం బాలకృష్ణ ప్రస్తుతం టాలెంటెడ్ డైరెక్టర్ బాబీ దర్శకత్వంలో డాకు మహారాజ్ అనే సినిమాలో హీరోగా నటిస్తున్న విషయం మన అందరికీ తెలిసిందే. ఈ సినిమాలో ఊర్వశి రౌటేలా , ప్రగ్య జైస్వాల్ , శ్రద్ధ శ్రీనాథ్ హీరోయిన్లుగా నటిస్తూ ఉండగా ... ఎస్ ఎస్ తమన్ ఈ సినిమాకు సంగీతం అందిస్తున్నాడు. సీతార ఎంటర్టైన్మెంట్ బ్యానర్ పై ప్రముఖ నిర్మాత సూర్య దేవర నాగ వంశీ ఈ మూవీ ని నిర్మిస్తూ ఉండగా ... బాలీవుడ్ నటుడు బాబి డియోల్ ఈ సినిమాలో ప్రతి నాయకుడి పాత్రలో కనిపించబోతున్నాడు.
ఈ సినిమాను వచ్చే సంవత్సరం సంక్రాంతి పండుగ సందర్భంగా జనవరి 12 వ తేదీన విడుదల చేయనున్నట్లు ఈ మూవీ మేకర్స్ అధికారికంగా ప్రకటించారు. ఇది ఇలా ఉంటే కొన్ని రోజుల క్రితమే ఈ మూవీ బృందం ఈ సినిమాకు సంబంధించిన టీజర్ ను విడుదల చేసింది. ఈ మూవీ టీజర్ కు ప్రేక్షకుల నుండి అద్భుతమైన రెస్పాన్స్ లభించింది. కానీ ఈ మూవీ టీజర్ బాలయ్య ఆఖరుగా నటించిన భగవంత్ కేసరి సినిమా స్థాయి రెస్పాన్స్ ను మాత్రం అందుకోలేకపోయింది. బాలయ్య హీరోగా రూపొందిన భగవంత్ కేసరి మూవీ టీజర్ కు విడుదల అయిన 24 గంటల్లో 11.45 మిలియన్ వ్యూస్ దక్కాయి.
ఇక డాకు మహారాజ్ మూవీ ట్రైలర్ కు విడుదల అయిన 24 గంటల్లో 9.60 మిలియన్ వ్యూస్ దక్కాయి. ఓవరాల్ గా చూసుకుంటే డాకు మహారాజ్ మూవీ టీజర్ కు ప్రేక్షకుల నుండి సూపర్ సాలిడ్ రెస్పాన్స్ లభించిన తాను నటించిన భగవంత్ కేసరి మూవీ టీజర్ స్థాయి రెస్పాన్స్ మాత్రం ఈ సినిమా టీజర్ అందుకోలేక పోయింది. ఇకపోతే డాకు మహరాజ్ సినిమాపై బాలయ్య అభిమానులు భారీ అంచనాలు పెట్టుకున్నారు. మరి ఈ సినిమా ఏ స్థాయి విజయాన్ని అందుకుంటుందో చూడాలి.