పుష్ప 2 కోసం అక్షర సింగ్.. ఈమె ఎవరో..బ్యాక్గ్రౌండ్ ఏంటో తెలుసా..?
ఐకాన్ స్టార్ అల్లు అర్జున్ ప్రస్తుతం పుష్ప పార్ట్ 2 అనే సినిమాలో హీరోగా నటిస్తున్న విషయం మన అందరికీ తెలిసిందే. ఈ మూవీ లో రష్మిక మందర హీరోయిన్గా నటిస్తూ ఉండగా ... సుకుమార్ ఈ మూవీ కి దర్శకత్వం వహిస్తున్నాడు. ఈ సినిమాను ఈ సంవత్సరం డిసెంబర్ 5 వ తేదీన విడుదల చేయనున్నారు. ఈ మూవీ విడుదల తేదీ దగ్గర పడడంతో ఈ రోజు సాయంత్రం ఈ సినిమాకు సంబంధించిన ట్రైలర్ ను ఈ మూవీ మేకర్స్ విడుదల చేయనున్నారు. ఈ మూవీ యొక్క ట్రైలర్ ను పాట్నా లోని గాంధీ మైదాన్ లో భారీ ఈవెంట్ నిర్వహించి విడుదల చేయబోతున్నట్లు తెలుస్తోంది. ఇకపోతే ఈవెంట్ లో అక్షర సిద్ధూ అనే నటి స్పెషల్ డాన్స్ పర్ఫామెన్స్ చేయబోతోంది. మరి ఈ అక్షర సింగ్ ఎవరు ..? ఆమెకి సంబంధించిన కొన్ని ఇంట్రెస్టింగ్ వివరాలను తెలుసుకుందాం.
అక్షర సింగ్ బొజ్ పురి హీరోయిన్. బొజ్ పురి ఇండస్ట్రీలో ఈమెకి అద్భుతమైన గుర్తింపు ఉంది. ఇప్పటికే ఈమె ఎన్నో బొజ్ పురి సినిమాలలో నటించి అద్భుతమైన గుర్తింపును సంపాదించుకుంది. ఈ ఇండస్ట్రీలో అత్యధిక పారితోషకం తీసుకునే హీరోయిన్లలో మొదటి స్థానంలో ఈ బ్యూటీ ఉన్నట్లు తెలుస్తోంది. 2010 సంవత్సరం నటుడు రవి కిషన్ సరసన సత్యమేవ జయతే మూవీ లో ఈమె నటించింది. ఆ తర్వాత ఈమెకు వరుస ఆఫర్లు క్యూ కట్టాయి. ప్రస్తుతం బొజ్ పురి ఇండస్ట్రీలో స్టార్ హీరోయిన్గా కెరీర్ను కొనసాగిస్తుంది. ఇలా బొజ్ పురి ఇండస్ట్రీలో మంచి క్రేజ్ కలిగిన ఈ నటి పుష్ప 2 ట్రైలర్ లాంచ్ ఈవెంట్ లో స్పెషల్ పెర్ఫార్మెన్స్ ఇవ్వబోతుంది. ఈ విషయాన్ని ఈ మూవీ యూనిట్ కూడా అధికారికంగా ప్రకటించింది. మరి ఈ ముద్దుగుమ్మ తన డాన్స్ పెర్ఫార్మెన్స్ తో ప్రేక్షకులను ఏ స్థాయిలో ఆకట్టుకుంటుందో తెలియాలి అంటే మరి కొన్ని గంటలు వేచి చూడాల్సిందే.