గేమ్ ఛేంజర్ : థర్డ్ సింగిల్ అప్పుడే.. ఈసారి మరింత డోస్ పెంచనున్న శంకర్..?
మెగా పవర్ స్టార్ రామ్ చరణ్ హీరోగా గేమ్ చేంజర్ అనే సినిమా రూపొందిన విషయం మన అందరికీ తెలిసిందే. కియార అద్వానీ ఈ సినిమాలో చరణ్ కి జోడిగా కనిపించనుండగా ... అంజలి , సునీల్ , శ్రీకాంత్ , నవీన్ చంద్ర , జయరాం ఈ మూవీ లో ముఖ్య పాత్రలలో కనిపించబోతున్నారు. ఎస్ జే సూర్య ఈ మూవీ లో విలన్ పాత్రలో కనిపించనుండగా ... ఎస్ ఎస్ తమన్ ఈ సినిమాకి సంగీతం అందిస్తున్నాడు. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు ఈ మూవీ ని అత్యంత భారీ బడ్జెట్లో నిర్మిస్తున్నాడు.
ఈ సినిమాను వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నట్లు ఈ మూవీ బృందం వారు చాలా రోజుల క్రితమే ప్రకటించారు. ఈ సినిమా విడుదల తేదీ దగ్గర పడిన నేపథ్యంలో ఇప్పటికే ఈ మూవీ బృందం వారు ఈ సినిమా నుండి రెండు పాటలను , ఒక టీచర్ను కూడా విడుదల చేశారు. ఈ మూవీ నుండి ఇప్పటివరకు విడుదల అయిన ప్రచార చిత్రాలకు ప్రేక్షకుల నుండి అద్భుతమైన రెస్పాన్స్ లభించింది. ఇది ఇలా ఉంటే ఈ మూవీ లోని మూడవ సాంగ్ విడుదలకు సంబంధించిన ఓ క్రేజీ న్యూస్ ప్రస్తుతం వైరల్ అవుతుంది.
అసలు విషయం లోకి వెళితే ... ప్రస్తుతం అందుతున్న సమాచారం ప్రకారం ఈ మూవీ లోని మూడవ సాంగ్ ను నవంబర్ 20 వ తేదీన విడుదల చేసే ఆలోచనలో మేకర్స్ ఉన్నట్లు , అందుకు సంబంధించిన పనులు ప్రస్తుతం శరవేగంగా జరుగుతున్నట్లు , మరికొన్ని రోజుల్లోనే అందుకు సంబంధించిన అధికారిక ప్రకటన వెలబడబోతున్నట్లు తెలుస్తోంది. ఇది ఇలా ఉంటే ఇది వరకు ఈ మూవీ నుండి విడుదల చేసిన రెండు పాటలు ఎంతో అద్భుతంగా తెరకెక్కించారు. ఇక నెక్స్ట్ ఈ మూవీ యూనిట్ విడుదల చేయబోయే సాంగ్ ఆ రెండు పాటలకు మించిన స్థాయిలో ఉండబోతున్నట్లు తెలుస్తోంది.