శర్వానంద్ : గట్టి హిట్ కొడితే కానీ సెట్ అయ్యేలా లేడు.. నెక్స్ట్ మూవీలపైనే నటుడి ఆశలు..?
తెలుగు సినీ పరిశ్రమలో మంచి గుర్తింపు కలిగిన నటులలో శర్వానంద్ ఒకరు. ఈయన తన కెరియర్ ప్రారంభంలో ఎన్నో సినిమాల్లో చిన్న చిన్న పాత్రలలో నటించి నటుడిగా తనను తాను ప్రూవ్ చేసుకున్నాడు. ఆ తర్వాత సినిమాల్లో హీరోగా నటించడం మొదలు పెట్టాడు. ఇక హీరోగా ఈయన నటించిన సినిమాల్లో చాలా సినిమాలు మంచి విజయాలను అందుకున్నాయి. దానితో తక్కువ కాలంలోనే శర్వానంద్ తెలుగు సినీ పరిశ్రమలో మంచి స్థాయి ఉన్న హీరోగా మారిపోయాడు. ఈయన గత కొంత కాలంగా పెద్ద స్థాయి విజయాలను అందుకోలేకపోతున్నాడు.
కొంత కాలం క్రితం వరుస పెట్టి భారీ ఫ్లాప్ లను అందుకున్న ఈయన కొన్ని రోజుల క్రితం ఒకే ఒక జీవితం అనే సినిమాతో ప్రేక్షకుల ముందుకు వచ్చాడు. ఈ సినిమాకు మంచి రివ్యూలు వచ్చాయి. దానితో ఈ సినిమా భారీ విజయాన్ని అందుకుంటుందేమో అని చాలా మంది జనాలు అనుకున్నారు. కానీ ఈ సినిమా ఏదో పర్వాలేదు అనే స్థాయి విజయంతో సరిపెట్టుకుంది. శర్వానంద్ ఆఖరుగా మనమే అనే సినిమాతో ప్రేక్షకుల ముందుకు వచ్చాడు. ఈ మూవీ కి పర్వాలేదు అనే టాక్ వచ్చింది. ఇక ఈ సినిమా కింద మీద పడుతూ హిట్ ను అందుకుంది. కానీ ఈ మూవీ తో కూడా శర్వా జోష్ పెద్దగా ఏమి పెరగలేదు. ఇక మునపటి సినిమాలతో పోలిస్తే ఒకే ఒక జీవితం , మనమే సినిమాలు కాస్త పరవాలేదు అనిపించిన ఈ రెండు మూవీల ద్వారా శర్వా క్రేజ్ పెద్దగా ఏమి పెరగలేదు.
దానితో ఆయనకు అదిరిపోయే రేంజ్ బ్లాక్ బస్టర్ విజయం దక్కితేనే మళ్లీ ఆయన జోష్ పెరుగుతుంది అని జనాలు అభిప్రాయ పడుతున్నారు. ఇకపోతే తాను కూడా తాను నటిస్తున్న తదుపరి మూవీల ద్వారా సాలిడ్ విజయాలను అందుకోవాలి అని భావిస్తున్నట్లు తెలుస్తోంది. ప్రస్తుతం ఈ నటుడి చేతిలో చాలా సినిమాలు ఉన్నాయి. ఆ సినిమాలతో శర్వా ఏ స్థాయి విజయాలను అందుకుంటాడో చూడాలి.