పాన్ ఇండియా హీరో.. సక్సెస్ కోసం ఎదురుచూస్తున్న నిఖిల్..!
•వరుస ఫ్లాప్స్ వెంటాడిన గట్టెక్కిన నిఖిల్..
•ఇప్పుడు మళ్లీ వరుస ఫ్లాప్ లతో సతమతమవుతున్న హీరో
•స్వయంభు పైనే అంచనాలు..
టాలీవుడ్ లో ఈమధ్య చిన్న సినిమాలతో మంచి విజయాలు అందుకుంటున్న హీరోలు నిఖిల్ కంటే ముందు వరుసలో ఉండేవారు.. మొదట సంబరం సినిమాలో చైల్డ్ యాక్టర్ గా నటించిన నిఖిల్, హ్యాపీడేస్ సినిమాతో మంచి పాపులారిటీ అందుకున్నారు. ఆ తర్వాత ఎన్నో చిత్రాలలో నటించిన నిఖిల్.. స్వామి రారా సినిమాతో భారీ విజయాన్ని అందుకొని సక్సెస్ అందుకున్నారు. ఆ వెంటనే కార్తికేయ తదితర చిత్రాలలో నటించి విభిన్నమైన కథలను ఎంచుకొని మరీ సక్సెస్ అందుకున్నారు. అయితే ఈ మధ్య కాలంలో మళ్లీ డిజాస్టర్లు వెంటాడుతూ ఉన్నాయి.
2022లో వచ్చిన కార్తికేయ-2 సినిమాతో పాన్ ఇండియా లెవెల్లో సక్సెస్ అయిన నిఖిల్ సిద్ధార్థ.. ఆ తర్వాత వచ్చిన 18 పేజీస్ సినిమా పరవాలేదు అనిపించుకున్నా..స్పై, అప్పుడో ఇప్పుడో ఎప్పుడో సినిమాలు పెద్దగా ఆకట్టుకోలేకపోయాయి. ఈ సినిమాలు కొన్న బయ్యర్లకు కూడా నష్టాల్ని మిగిల్చాయట. దీంతో నిఖిల్ అభిమానులు కూడా తన తదుపరి చిత్రం స్వయంభు సినిమా పైన ఎక్కువగా ఫోకస్ పెట్టినట్లు కనిపిస్తోంది. ఈ సినిమాని కూడా పాన్ ఇండియా రేంజ్ లో తెరకెక్కిస్తున్నారు.
ఈ సినిమా అయిపోయిన వెంటనే కార్తికేయ-3 లో నటించడానికి సన్నాహాలు చేస్తున్నట్లు సమాచారం. కచ్చితంగా స్వయంభు సినిమాతో హిట్ కొడితేనే నిఖిల్ కెరియర్ నిలబడుతుంది. లేకపోతే రెమ్యూనరేషన్ పరంగా, బడ్జెట్ పరంగా , బయ్యర్ల పరంగా చాలా ఇబ్బందులు ఎదుర్కోవాల్సి వస్తుంది. కంటెంట్ బాగుంటే కచ్చితంగా ఎలాంటి సినిమాలు విడుదలైనా కూడా మంచి విజయాలను అందుకుంటాయని చాలా సినిమాలు నిరూపించాయి. ఈ మధ్యకాలంలో నిఖిల్ కంటెంట్ పరంగా స్కోప్ లేకుండా ఉన్నట్లుగా అభిమానులు తెలియజేస్తున్నారు. మరి ఏ మేరకు రాబోయే రోజుల్లో సక్సెస్ అందుకొని మళ్లీ తన క్రేజ్ ని పెంచుకుంటారో చూడాలి. మరి నిఖిల్ గతంలో కూడా చాలానే ఫ్లాపులు ఎదురైనప్పటికీ కూడా ఏమాత్రం వెనకడుగు వేయకుండా సక్సెస్ అందుకున్నారు నిఖిల్.