పుష్ప కోసం కేవలం నేను ఆ పని చేశాను.. తమన్ అప్డేట్ తో పెరిగిన అంచనాలు..?
ఐకాన్ స్టార్ అల్లు అర్జున్ హీరోగా రష్మిక మందన హీరోయిన్గా సుకుమార్ దర్శకత్వంలో ప్రస్తుతం పుష్ప పార్ట్ 2 మూవీ రూపొందుతున్న విషయం మన అందరికీ తెలిసిందే. మైత్రి సంస్థ వారు నిర్మిస్తున్న ఈ మూవీ కి దేవి శ్రీ ప్రసాద్ సంగీతం అందిస్తున్నాడు. ఈ మూవీ ని డిసెంబర్ 5 వ తేదీన విడుదల చేయనున్నారు. ఈ సినిమా విడుదల తేదీ దగ్గరపడి కూడా ఈ మూవీ షూటింగ్ ఇంకా చాలా వరకు పెండింగ్లో ఉన్నట్లు తెలుస్తోంది. దానితో ఈ మూవీ బృందం వారు చాలా స్పీడ్ గా ఈ మూవీ కి సంబంధించిన పనులను పూర్తి చేస్తూ వస్తున్నట్లు సమాచారం.
ఇకపోతే ఈ మూవీ కి దేవి శ్రీ ప్రసాద్ సంగీత దర్శకుడు అయినా కూడా ఈ మూవీ కి సంబంధించిన బ్యాక్గ్రౌండ్ స్కోర్ విషయంలో ఎస్ ఎస్ తమన్ పని చేస్తున్నాడు అని అనేక వార్తలు బయటకు వచ్చిన విషయం మన అందరికీ తెలిసిందే. ఇక తాజాగా బాలకృష్ణ హీరోగా రూపొందిన డాకు మహారాజ్ సినిమా యొక్క టీజర్ను , టైటిల్ ను ఈ రోజు మేకర్స్ విడుదల చేశారు. ఇక డాకు మహారాజ్ మూవీ టైటిల్ మరియు టీజర్ విడుదల కోసం ఈ మూవీ బృందం ఓ ఈవెంట్ తో ఏర్పాటు చేసింది. డాకు మహారాజ్ మూవీ కి సంగీతం అందిస్తున్న తమన్ కూడా ఈ ఈవెంట్లో కూడా పాల్గొన్నాడు.
ఈ ఈవెంట్ లో భాగంగా తమన్ "పుష్ప పార్ట్ 2" మూవీ గురించి మాట్లాడుతూ .. నేను పుష్ప పార్ట్ 2 కి ఒక పార్ట్ కోసం పని చేశాను. అది చాలా పెద్ద సినిమా. నేను ఇప్పటికే ఆ సినిమా చూశాను. మూవీ అద్భుతంగా వచ్చింది. ఆ సినిమా అదిరిపోయే రేంజ్ బ్లాక్ బస్టర్ విజయం సాధించబోతుంది అని చెప్పుకొచ్చాడు. ఇలా తమన్ ఈ సినిమా గురించి ఫుల్ పాజిటివ్ గా చెప్పడంతో ఈ మూవీ పై ప్రేక్షకుల్లో అంచనాలు మరింతగా పెరిగిపోయాయి.