కోట్లల్లో ఆస్తి.. కానీ సొంత ఇల్లు లేదు.. అనుపమ్ ఖేర్ కి ఎందుకు ఆ పరిస్థితి..?
నటుడిగా అద్భుతమైన గుర్తింపును సంపాదించుకున్న వారిలో అనుపమ్ కేర్ ఒకరు. ఈయన ఇప్పటివరకు ఎన్నో భాషల సినిమాలలో నటించి తన అద్భుతమైన నటనతో ప్రేక్షకులను ఎంతగానో ఆకట్టుకున్నాడు. ఇకపోతే కొంత కాలం క్రితం టాలీవుడ్ యువ నటుడు నిఖిల్ హీరోగా అనుపమ పరమేశ్వరన్ హీరోయిన్గా చందు మండేటి దర్శకత్వంలో కార్తికేయ 2 అనే మూవీ రూపొందిన విషయం మన అందరికీ తెలిసిందే. మంచి అంచనాల నడుమ విడుదల అయిన ఈ సినిమా సూపర్ సక్సెస్ అయింది.
ఇకపోతే ఈ సినిమాలో అనుపమ్ కేర్ ఓ చిన్న పాత్రలో నటించాడు. ఈ సినిమాలో ఆయన నటించిన పాత్ర నిడివి చాలా తక్కువ అయినప్పటికీ ఈ సినిమాలో ఆయన చేసిన పాత్రకు ప్రేక్షకుల నుండి , విమర్శకుల నుండి అద్భుతమైన ప్రశంసలు వచ్చాయి. దానితో ఈ మూవీ ద్వారా తెలుగు లో కూడా ఈయనకు అద్భుతమైన గుర్తింపు లభించింది. కొంతకాలం క్రితం ఈయన రవితేజ హీరోగా రూపొందిన టైగర్ నాగేశ్వరరావు సినిమాలో ఓ కీలకమైన పాత్రలో నటించాడు. ఈ సినిమా పెద్ద విజయాన్ని అందుకోకపోయినా ఈ సినిమాలోని ఈయన పాత్రకు మంచి ప్రశంసలు దక్కాయి. ఇకపోతే అనుపమ్ ఖేర్ కి సంబంధించిన ఓ వార్త తాజాగా ఫుల్ గా వైరల్ అవుతుంది. అసలు ఆ విషయం ఏమిటి అంటే ... కోట్లల్లో ఆస్తులు ఉన్నా కూడా అనుపమ్ కేర్ కి సొంత ఇల్లు మాత్రం లేదట.
మరి ఈయన సొంత ఇల్లు ఇప్పటికీ కూడా కొనుగోలు చేయకుండా అద్దె ఇంట్లోనే ఉంటున్నాడట. మరి కోట్లలో డబ్బులు ఉన్నా కూడా ఈయన ఇల్లు కొనుగోలు చేయకపోవడానికి ప్రధాన కారణం పిల్లలు పెరిగి పెద్దయ్యాక ఆస్తులు పంపకాలు జరుపుకునే సమయంలో డబ్బులు మాత్రమే ఉంటే వాటిని ఈజీగా పంచుకోవచ్చు అని , ఇల్లు లాంటివి ఉంటే వాటిని పంచుకునే క్రమంలో బేధాలు ఏర్పడే అవకాశం ఉన్నట్లు దానితో ఆయన ఇంటిని కాకుండా డబ్బులు మాత్రమే ఉంచుకొని ప్రస్తుతం అద్దె ఇంట్లో జీవితాన్ని సాగిస్తున్నట్లు తెలుస్తుంది.