గేమ్ ఛేంజర్ ను ఫాలో అవుతున్న పుష్ప.. సౌత్ ను లైట్ తీసుకున్నారా..?
మెగా పవర్ స్టార్ రామ్ చరణ్ హీరోగా కియార అద్వానీ హీరోయిన్గా శంకర్ దర్శకత్వంలో గేమ్ చేంజర్ అనే సినిమా రూపొందిన విషయం మన అందరికీ తెలిసిందే. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు ఈ సినిమాను నిర్మించగా ... ఎస్ ఎస్ తమన్ ఈ సినిమాకి సంగీతం అందించాడు. ఈ సినిమాను వచ్చే సంవత్సరం జనవరి 10 వ తేదీన విడుదల చేయనున్నారు. ఈ మూవీ విడుదల తేదీ దగ్గర పడడంతో నవంబర్ 9 వ తేదీన ఈ మూవీ బృందం ఈ సినిమా యొక్క టీజర్ను లక్నో లో విడుదల చేసింది.
ఈ మూవీ టీజర్ కు ప్రేక్షకుల నుండి అద్భుతమైన రెస్పాన్స్ లభించింది. 24 గంటల్లో ఈ సినిమా టీజర్ కు అదిరిపోయే రేంజ్ వ్యూస్ , లైక్స్ వచ్చాయి. ఇకపోతే ప్రస్తుతం ఐకాన్ స్టార్ అల్లు అర్జున్ హీరోగా రష్మిక మందన హీరోయిన్గా సుకుమార్ దర్శకత్వంలో పుష్ప మూవీ కి కొనసాగింపుగా పుష్ప పార్ట్ 2 మూవీ రూపొందుతున్న విషయం మనకు తెలిసిందే. ఈ సినిమాను ఈ సంవత్సరం డిసెంబర్ 5 వ తేదీన విడుదల చేయనున్నారు. ఈ మూవీ విడుదల తేదీ దగ్గర పడడంతో ఈ మూవీ బృందం వారు ఈ సినిమా యొక్క టీజర్ను నవంబర్ 17 వ తేదీన విడుదల చేయనున్నట్లు తాజాగా అధికారికంగా ప్రకటించారు. ఇకపోతే ఈ మూవీ ట్రైలర్ విడుదల విషయంలో మేకర్స్ గేమ్ చేంజర్ ఫార్ములాను ఫాలో కాబోతున్నట్లు తెలుస్తోంది.
అసలు విషయం లోకి వెళితే ... ఈ మూవీ బృందం వారు ఈ సినిమా యొక్క ట్రైలర్ ను పాట్నా వేదికగా విడుదల చేసే ఆలోచనలో ఉన్నట్లు , అందుకు సంబంధించిన అధికారిక ప్రకటనను కూడా మరికొన్ని రోజుల్లోనే విడుదల చేయనున్నట్లు ఓ వార్త ప్రస్తుతం సోషల్ మీడియాలో వైరల్ అవుతుంది. ప్రస్తుతానికి ఈ మూవీ ట్రైలర్ పై ప్రేక్షకుల్లో మంచి అంచనాలు ఉన్నాయి. మరి ఈ మూవీ ట్రైలర్ ప్రేక్షకులను ఏ స్థాయిలో ఆకట్టుకుంటుందో చూడాలి.