"ఆర్ఆర్ఆర్" లో సత్యదేవ్ నటించాడా.. ఎందుకు ఆయన పాత్రను తీసేసారో తెలుసా..?
సినిమా ఇండస్ట్రీలో సినిమాలు రూపొందించేటప్పుడు దర్శకులు కొన్ని సన్నివేశాలను రూపొందిస్తూ ఉంటారు. కానీ సినిమా మొత్తం పూర్తి అయ్యాక ఎడిటింగ్ రూమ్ కి వచ్చాక కొన్ని సన్నివేశాలు సినిమాకు అవసరం లేవు అనిపిస్తే వాటిని నిర్ధాక్షణ్యంగా తీసేస్తూ ఉంటారు. దానితో కొంత మంది స్టార్ డైరెక్టర్ల , స్టార్ హీరో సినిమాల్లో అవకాశాలు వచ్చాయి అంటే ఎంతో కష్టపడి ఎంతో ఫ్యాషన్ తో సినిమా చేస్తూ ఉంటారు. ఇక సినిమా మొత్తం పూర్తి అయ్యాక తమ పాత్ర ఎక్కడ కనిపిస్తుందా అంటే ఆత్రుతగా ఎదురు చూస్తూ ఉంటే అది లేకపోవడం , అది ఎడిటింగ్ లో పోయింది అని తెలియడంతో బాధపడి బయటకు వచ్చి కూడా తమ బాధను వెళ్ళబుచ్చిన నటీనటులు ఎంతో మంది ఉన్నారు.
ఇకపోతే కొంత కాలం క్రితం రాజమౌళి దర్శకత్వంలో రామ్ చరణ్ , జూనియర్ ఎన్టీఆర్ హీరోలుగా ఆర్ ఆర్ ఆర్ అనే సినిమా రూపొందిన విషయం మనకు తెలిసిందే. ఇకపోతే ఈ సినిమాలో సత్యదేవ్ నటించాడట. కాకపోతే ఈయన నటించిన సన్నివేశాలు ఎక్కడా కనిపించలేదు. తాజా ఇంటర్వ్యూలో భాగంగా సత్యదేవ్ అందుకు సంబంధించిన ఇంట్రెస్టింగ్ విషయాలను చెప్పుకొచ్చాడు. సత్యదేవ్ తాజా ఇంటర్వ్యూలో భాగంగా మాట్లాడుతూ ... నేను ఆర్ ఆర్ ఆర్ సినిమాలో నటించాను. మొదట నా పాత్ర చాలా కీలకమైంది అని వారు అనుకున్నారు.
కానీ కొన్ని పరిస్థితుల కారణంగా పాత్ర ఆ సినిమాలో ఫీట్ కాదు అని తీసేశారు. ఆ విషయం కూడా పెద్దగా ఎవరికి తెలియదు. నేను కూడా బయటకు చెప్పాలి అనుకోలేదు. ఎందుకు అంటే సినిమా బాగుండడం కోసం పాత్రను తీసేయడం పెద్ద విషయం ఏమీ కాదు. దానిని మనం పెద్ద విషయం చేయడమే మంచిది కాదు అని సత్యదేవ్ చెప్పుకొచ్చాడు. ఇక సత్యదేవ్ చేసిన ఈ కామెంట్స్ సోషల్ మీడియాలో ఫుల్ గా వైరల్ అవుతున్నాయి.