కత్రినా కైఫ్ : ఈ బాలీవుడ్ బ్యూటీ మల్లీశ్వరి సినిమాలో ఎలా సెలెక్ట్ అయ్యిందో తెలుసా..?
కొన్ని సంవత్సరాల క్రితం టాలీవుడ్ స్టార్ హీరోల సినిమాలలో బాలీవుడ్ హీరోయిన్లను పెట్టుకోవడానికి మేకర్స్ చాలా ప్రాధాన్యత ఇచ్చేవారు. దానితో కొన్ని సంవత్సరాల క్రితం స్టార్ హీరోల సినిమాలతో ఎంతోమంది బాలీవుడ్ ముద్దుగుమ్మలు టాలీవుడ్ ఇండస్ట్రీకి పరిచయం అయ్యారు. ఇకపోతే ప్రస్తుతం హిందీ సినీ పరిశ్రమలో స్టార్ హీరోయిన్గా కెరీర్ను కొనసాగిస్తున్న వారిలో కత్రినా కైఫ్ ఒకరు. ఈమె మల్లీశ్వరి అనే సినిమాతో టాలీవుడ్ ఇండస్ట్రీకి పరిచయం అయింది. విక్టరీ వెంకటేష్ హీరోగా రూపొందిన ఈ సినిమాలో కత్రినా కైఫ్ హీరోయిన్గా నటించగా ... విజయభాస్కర్ ఈ మూవీ కి దర్శకత్వం వహించాడు. త్రివిక్రమ్ శ్రీనివాస్ ఈ మూవీకి కథ , స్క్రీన్ ప్లే , మాటలు అందించాడు. ఈ సినిమాకి ఈ ముద్దుగుమ్మ ఎలా సెలెక్ట్ అయింది అనే వివరాలను తెలుసుకుందాం.
త్రివిక్రమ్ శ్రీనివాస్ , విజయభాస్కర్ కి మల్లీశ్వరి మూవీ స్టోరీని చెప్పగానే సినిమా కథ అద్భుతంగా ఉంది. దీనితో సినిమా చేద్దాం అని డిసైడ్ అయ్యాడట. ఇక అందులో భాగంగా వెంకటేష్ ను హీరోగా అనుకొని ఆయనకు కథను వివరించగా ఆయన కూడా ఈ సినిమాలో నటించడానికి ఒకే చెప్పాడట. ఇక దానితో విజయభాస్కర్ హీరోయిన్ కోసం వెతుకులాటలో పడ్డాడట. ఈ సినిమాలో హీరోయిన్ ఒక యువరాణి. కాబట్టి అంత స్థాయిలో ఉన్న ముద్దుగుమ్మ ఖచ్చితంగా కావాలి అని అనేక మందితో ఆడిషన్స్ కూడా విజయ భాస్కర్ చేశాడట. కానీ ఎంతమందితో ఆడిషన్స్ చేసిన ఆయన అనుకున్న క్వాలిటీస్ ఉన్న అమ్మాయి దొరకలేదట. అలాంటి సమయంలో ఒక రోజు అనుకోకుండా టీవీలో యాడ్ చూశాడట.
అందులో కత్రినా కైఫ్ కనిపించిందట. దానితో ఈ అమ్మాయి నా సినిమాలో హీరోయిన్ గా ఉండాలి అని ఆయన డిసైడ్ అయ్యాడట. దానితో ఆమెతో సంప్రదింపులు జరిపాడట. కానీ ఆమె అప్పటికే హిందీలో బిజీగా ఉండడంతో ఈ సినిమాలో నటించడం కుదరదని చెప్పిందట. కానీ ఆమె వెనకాల పడి ఎంతో కష్టపడి ఈ సినిమాలో హీరోయిన్గా పాత్రకు ఒప్పించారట. అలా మల్లీశ్వరి సినిమాతో కత్రినా కైఫ్ తెలుగులోకి ఎంట్రీ ఇచ్చింది. ఆ తర్వాత ఈమె కేవలం బాలకృష్ణ హీరోగా రూపొందిన అల్లరి పిడుగు అనే తెలుగు సినిమాలో మాత్రమే నటించింది. ఆ తర్వాత ఏ తెలుగు సినిమాలో కూడా ఈ బ్యూటీ నటించలేదు.