అత్తారింటికి దారేది : సమంత ప్లేస్ లో మొదట అనుకున్న బ్యూటీ ఎవరో తెలుసా..?
పవర్ స్టార్ పవన్ కళ్యాణ్ కెరియర్ లో చాలా బ్లాక్ బస్టర్ మూవీ లు ఉన్న విషయం మన అందరికీ తెలిసిందే . ఇక పవన్ కళ్యాణ్ కెరియర్ లో అదిరిపోయే రేంజ్ విజయాన్ని బాక్స్ ఆఫీస్ దగ్గర సొంతం చేసుకున్న సినిమాలలో అత్తారింటికి దారేది మూవీ ఒకటి. ఈ సినిమాలో పవన్ కి జోడిగా సమంత , ప్రణీత నటించగా ... మాటల మాంత్రికుడు త్రివిక్రమ్ శ్రీనివాస్ ఈ సినిమాకు దర్శకత్వం వహించాడు . రాక్ స్టార్ దేవి శ్రీ ప్రసాద్ ఈ సినిమాకు సంగీతం అందించాడు. ఈ సినిమా విజయంలో దేవి శ్రీ ప్రసాద్ అందించిన సంగీతం కూడా అత్యంత కీలక పాత్రను పోషించింది.
ఇకపోతే ఈ సినిమా విడుదలకు ముందు ఈ మూవీ కి సంబంధించిన మొదటి భాగం విడుదల అయింది. దానితో పెద్దగా ప్రణాళికలు ఏమీ లేకుండా ఈ సినిమాను విడుదల చేశారు. కానీ ఈ మూవీ మాత్రం బాక్స్ ఆఫీస్ దగ్గర సూపర్ సాలిడ్ విజయాన్ని అందుకుంది. ఇది ఇలా ఉంటే ఈ సినిమాలో మొదటగా హీరోయిన్గా త్రివిక్రమ్ శ్రీనివాస్ , గోవా బ్యూటీ ఇలియానాను అనుకున్నాడట. అందులో భాగంగా ఆమెను సంప్రదించి కథను కూడా వివరించాడట.
కథ మొత్తం విన్న ఇలియానా సినిమా కథ సూపర్ గా ఉంది. కానీ నేను మాత్రం ప్రస్తుతం ఈ సినిమా చేయలేను అని చెప్పిందట. దానితో త్రివిక్రమ్ ఏమీ చేయలేక వేరే వారిని హీరోయిన్గా పెట్టుకున్నాడట. ఇది ఇలా ఉంటే త్రివిక్రమ్ శ్రీనివాస్ దర్శకత్వంలో రూపొందిన జులాయి సినిమాలో ఇలియానా హీరోయిన్గా నటించింది. ఈ మూవీ లో అల్లు అర్జున్ హీరో గా నటించాడు. ఈ మూవీ మంచి విజయం సాధించింది. ఈ సినిమాతో ఇలియానా కు మంచి గుర్తింపు కూడా వచ్చింది.