ఈ సంవత్సరం ఆ బ్యూటీదే ఇప్పటికే మూడు.. రిలీజ్ కి మరో రెండు రెడీ..?
టాలీవుడ్ ఇండస్ట్రీలో అద్భుతమైన క్రేజ్ ఉన్న నటిగా కెరియర్ను ముందుకు సాగిస్తున్న వారిలో మోస్ట్ బ్యూటిఫుల్ నటీమని మీనాక్షి చౌదరి ఒకరు. ఈ ముద్దుగుమ్మ ఈచట వాహనముల నిలపరాదు అనే సినిమాతో తెలుగు తెరకు పరిచయం అయింది. ఆ తర్వాత కిలాడి , హిట్ ది థర్డ్ కేస్ వంటి సినిమాలలో నటించి మంచి గుర్తింపును సంపాదించుకుంది. ఇకపోతే ఈ సంవత్సరం ఈ ముద్దుగుమ్మ హవా ఫుల్ జోష్లో నడుస్తోంది. ఇప్పటికే ఈమె నటించిన మూడు సినిమాలు విడుదల కాగా మరో రెండు సినిమాలు విడుదలకు రెడీగా ఉన్నాయి.
ఈ నటి మొదటగా సూపర్ స్టార్ మహేష్ బాబు హీరోగా త్రివిక్రమ్ శ్రీనివాస్ దర్శకత్వంలో రూపొందిన గుంటూరు కారం సినిమాతో ప్రేక్షకులను పలకరించింది. ఈ మూవీ పెద్ద స్థాయి విజయాన్ని అందుకోలేదు. అలాగే ఈ మూవీ ద్వారా కూడా ఈమెకు పెద్దగా గుర్తింపు ఏమీ దక్కలేదు. కొన్ని రోజుల క్రితం తమిళ నటుడు విజయ్ "గ్రేటెస్ట్ ఆఫ్ ఆల్ టైమ్" అనే సినిమాలో హీరోగా నటించిన విషయం మనకు తెలిసిందే. ఈ సినిమాలో మీనాక్షి చౌదరి హీరోయిన్గా నటించింది. మూవీ మంచి విజయం అందుకుంది. కానీ ఈ మూవీ ద్వారా కూడా ఈమెకు పెద్ద రేంజ్ క్రేజ్ రాలేదు. ఇకపోతే తాజాగా మీనాక్షి చౌదరి "లక్కీ భాస్కర్" అనే సినిమాలో హీరోయిన్ గా నటించింది. దుల్కర్ సల్మాన్ హీరోగా రూపొందిన ఈ సినిమాకు వెంకీ అట్లూరి దర్శకత్వం వహించాడు. అక్టోబర్ 31 వ తేదీన విడుదల అయిన ఈ సినిమా బ్లాక్ బాస్టర్ టాక్ వచ్చింది. ఈ మూవీలోని మీనాక్షి నటనకు కూడా అద్భుతమైన ప్రశంసలు దక్కుతున్నాయి.
ఇక తాజాగా మీనాక్షి "మట్కా" అనే సినిమాలో హీరోయిన్గా నటించింది. వరుణ్ తేజ్ హీరోగా రూపొందిన ఈ సినిమా నవంబర్ 14 వ తేదీన విడుదల కానుంది. ఇకపోతే ఈ బ్యూటీ విశ్వక్ సేన్ హీరోగా రూపొందిన మెకానిక్ రాఖి అనే సినిమాలో హీరోయిన్గా నటించింది. ఈ మూవీ కూడా మరికొన్ని రోజుల్లోనే విడుదల కానుంది. ఇలా ఈ సంవత్సరం ఈ బ్యూటీ ఇప్పటికే మూడు సినిమాలతో ప్రేక్షకుల ముందుకు వచ్చింది. మరో రెండు సినిమాలతో ప్రేక్షకుల ముందుకు రావడానికి రెడీగా ఉంది.