దీపావళి శుభాకాంక్షలు తెలుపు...పుష్ప 2 పోస్టర్ రిలీజ్ చేసిన అల్లు అర్జున్....!!
అల్లు అర్జున్ హీరోగా సుకుమార్ దర్శకత్వంలో తెరకెక్కిన పుష్ప సినిమా సంచలనం సృష్టించింది. ఈ సినిమా విజయం తర్వాత ప్రేక్షకులు ఎంతగానో ఎదురుచూస్తున్న సీక్వెల్ పుష్ప 2 ఎప్పుడు వస్తుందా అనేది ఇప్పుడు తెలుగు సినిమా ఇండస్ట్రీలో హాట్ టాపిక్ గా మారింది. పుష్ప 2 సినిమా రిలీజ్ డేట్ ఇప్పటికే ఫిక్స్ అయింది. 2024 డిసెంబర్ 5న ప్రపంచవ్యాప్తంగా ఈ సినిమా ప్రేక్షకుల ముందుకు రానుంది. దీపావళి సందర్భంగా రిలీజ్ చేసిన రొమాంటిక్ పోస్టర్‌తో ఈ విషయాన్ని చిత్ర యూనిట్ అధికారికంగా ప్రకటించింది. ఇకపోతే ఐకాన్ స్టార్ అల్లు అర్జున్ తన ఇంస్టాగ్రామ్ అకౌంట్ లో ఈ రొమాంటిక్ పోస్టర్ ను రిలీజ్ చేసి దీపావళి శుభాకాంక్షలు తెలియజేశారు.
ప్రస్తుతం ఈ ఫోటో ఇప్పుడు సోషల్ మీడియాలో దూసుకుపోతుంది. పుష్ప 2 సినిమాలో పుష్ప రాజ్ కథ మరింత ఆసక్తికరంగా సాగుతుంది. తొలి భాగంలో మనం చూసినట్లుగా పుష్ప తన శత్రువులతో పోరాటం చేస్తూనే ఉంటాడు. కానీ ఈ సారి పోరాటం మరింత తీవ్రంగా ఉంటుందని తెలుస్తోంది. ఇకపోతే రష్మిక మందాన ఇందులో శ్రీవల్లి పాత్రలో నటిస్తున్న సంగతి తెలిసిందే. పుష్ప, శ్రీవల్లి మధ్య ప్రేమ కథ కూడా మరింతగా వికసిస్తుంది. పుష్ప 2 సినిమా భారీ బడ్జెట్‌తో తెరకెక్కుతోంది. సుమారు 400-500 కోట్ల రూపాయల బడ్జెట్‌తో ఈ సినిమా నిర్మిస్తున్నారు.
ఇది ఇండియన్ సినిమా చరిత్రలోనే అత్యంత ఖరీదైన సినిమాల్లో ఒకటిగా నిలుస్తుంది. ఇప్పటికే ఈ సినిమా నుంచి రిలీజ్ అయిన పోస్టర్స్, గ్లిప్స్, పాటలు సోషల్ మీడియాలో తెగ వైరల్ అయ్యాయి. దీంతో ప్రేక్షకులకు ఈ సినిమాపై మరింత భారీ అంచనాలు క్రియేట్ అయ్యాయి. సుకుమార్ దర్శకుడుగా తనదైన మార్క్‌ను ప్రేక్షకులకు పరిచయం చేశాడు. అతని కథనం, విజువల్స్‌ పై ప్రేక్షకులు ఎంతగానో ఆసక్తి చూపుతున్నారు. పుష్ప 2 తెలుగుతో పాటు హిందీ, తమిళం, మలయాళం, కన్నడ భాషల్లో విడుదల కానుంది.