మీనాక్షి చౌదరి : అన్ని అలాంటి పాత్రలే.. వెంకీ అయినా కాస్త స్కోప్ ఇస్తాడా..?
తెలుగు సినీ పరిశ్రమలో మంచి గుర్తింపును సంపాదించుకున్న యువ నటీమణులలో మీనాక్షి చౌదరి ఒకరు. ఈ ముద్దుగుమ్మ సుశాంత్ హీరోగా రూపొందిన ఇచట వాహనంలో నిలపరాదు అనే సినిమాతో తెలుగు తెరకు పరిచయం అయింది. ఈ మూవీ బాక్స్ ఆఫీస్ దగ్గర పెద్ద స్థాయి విజయాన్ని అందుకోలేదు. కానీ ఈ సినిమా ద్వారా ఈ బ్యూటీ కి మంచి గుర్తింపు టాలీవుడ్ ఇండస్ట్రీలో వచ్చింది. ఆ తర్వాత ఈమె కిలాడి సినిమాలో హీరోయిన్గా నటించింది. ఇందులో ఈ బ్యూటీ తన అందాలను విపరీతంగా ఆరబోసింది. ఇక ఆ తర్వాత ఈ బ్యూటీ హిట్ ది సెకండ్ కేస్ అనే మూవీలో హీరోయిన్గా నటించింది.
ఈ మూవీ తో ఈమెకు మొదటి విజయం తెలుగు బాక్స్ ఆఫీస్ దగ్గర దక్కింది. ఇకపోతే ఈ మధ్య కాలంలో ఈ బ్యూటీ వరస పెట్టి సినిమాలతో ప్రేక్షకుల ముందుకు వస్తున్న ఈమె నటించిన సినిమాలలో ఈమెకు పెద్దగా సోప్ దక్కడం లేదు. ఈ సంవత్సరం ప్రారంభంలో ఈ ముద్దుగుమ్మ నటించిన గుంటూరు కారం సినిమా థియేటర్లలో విడుదల అయింది. మహేష్ బాబు హీరోగా రూపొందిన ఈ సినిమాలో శ్రీ లీల , మీనాక్షి చౌదరి హీరోయిన్లుగా నటించారు. ఈ మూవీ లో శ్రీ లీల కు కాస్త స్కోప్ ఉన్న మీనాక్షి పాత్రకు మాత్రం ఏ మాత్రం స్కోప్ లేదు. అసలు ఈమె హీరోయిన్ పాత్ర చేసిందా లేదా అనే స్థాయి అనుమానాలు వచ్చే అంత చిన్న పాత్రలో ఈమె కనిపించింది అని చాలా మంది జనాలు తమ అభిప్రాయాలను వ్యక్తం చేశారు.
తమిళ నటుడు తలపతి విజయ్ హీరోగా రూపొందిన ది గోట్ మూవీ లో ఈ ముద్దుగుమ్మ హీరోయిన్గా నటించింది. ఈ సినిమాలో కూడా ఇదే పరిస్థితి. ఈమె కేవలం పాటల కోసం మాత్రమే ఉన్నట్లు అనిపించింది. ఇకపోతే ప్రస్తుతం ఈ బ్యూటీ వెంకటేష్ హీరోగా అనిల్ రావిపూడి దర్శకత్వంలో రూపొందుతున్న సినిమాలో హీరోయిన్గా నటిస్తోంది. మరి ఈ సినిమాలోనైనా మీనాక్షి కి మంచి పాత్ర దొరుకుతుందా లేదా అనేది చూడాలి.