బాలయ్య షో కి వస్తే అలా జరగాల్సిందేనా.. అందుకే స్టార్ హీరోలు అంతా క్యూ కడుతున్నారా..?
టాలీవుడ్ ఇండస్ట్రీలో సీనియర్ స్టార్ హీరోలలో ఒకరు అయినటువంటి బాలకృష్ణ గురించి ప్రత్యేక పరిచయం అవసరం లేదు. బాలకృష్ణ తన సినీ ప్రస్థానాన్ని మొదలు పెట్టి చాలా సంవత్సరాలు అయిన కూడా చాలా కాలం పాటు సినిమాలపై తప్ప వేరే ఏ విషయంపై కూడా పెద్దగా ఫోకస్ పెట్టలేదు. సినీ కెరియర్ ప్రారంభం అయిన చాలా సంవత్సరాల తర్వాత బాలయ్య ఆన్ స్టాపబుల్ అనే టాక్ షో కి హోస్ట్ గా వ్యవహరిస్తూ వస్తున్నాడు. ఈ టాక్ షో ఆహా ఓ టీ టీ ప్లాట్ ఫామ్ లో స్ట్రీమింగ్ అవుతుంది. ఇప్పటివరకు ఈ టాక్ షో కి సంబంధించిన మూడు సీజన్లు విజయవంతంగా కంప్లీట్ అయ్యాయి. కొన్ని రోజుల క్రితమే నాలుగవ సీజన్ స్టార్ట్ అయింది.
నాలుగవ సీజన్ లోని మొదటి ఎపిసోడ్ స్ట్రీమింగ్ కూడా అవుతుంది. ఈ ఎపిసోడ్ కి ఆంధ్రప్రదేశ్ ముఖ్యమంత్రి చంద్రబాబు నాయుడు ముఖ్య అతిథిగా విచ్చేశాడు. ఈ సీజన్లో రెండవ ఎపిసోడ్ గా లక్కీ భాస్కర్ మూవీ యూనిట్ ఎపిసోడ్ ప్రసారం కానుంది. ఈ సీజన్లో ఎక్కువ శాతం మూవీ బృందాలు సినిమా ప్రమోషన్ల కోసం గెస్టులుగా రాబోతున్నట్లు తెలుస్తోంది. ఇప్పటికే రెండవ ఎపిసోడ్ కు సంబంధించిన గెస్టులుగా లక్కీ భాస్కర్ మూవీ యూనిట్ విచ్చేసింది. ఈ వీరికి సంబంధించిన ప్రోమో విడుదల చేయగా దానికి మంచి రెస్పాన్స్ లభించింది. తమిళ నటుడు సూర్య తాజాగా కంగువా అనే సినిమాలో హీరోగా నటించిన విషయం మనకు తెలిసిందే. ఈ మూవీ మరికొన్ని రోజుల్లో విడుదల కానుంది. ఈ మూవీ బృందం వారు కూడా ఈ షో కు ఇప్పటికే విచ్చేశారు. వారికి సంబంధించిన ఎపిసోడ్ షూటింగ్ కూడా కంప్లీట్ అయింది.
రామ్ చరణ్ "గేమ్ చేంజర్" అనే సినిమాలో హీరోగా నటించిన విషయం మనకు తెలిసిందే. ఈ మూవీ బృందం వారు కూడా మరికొన్ని రోజుల్లోనే ఈ షోకు రాబోతున్నట్లు తెలుస్తోంది. ఇక ఈ షో కు రావడం ద్వారా ఫుల్ పబ్లిసిటీ వచ్చి మూవీ హిట్ అయ్యే అవకాశాలు ఉన్నాయి అని మూవీ బృందాలు భావిస్తున్నట్లు అందుకే ఈ టాక్ షో పై అంత ఇంట్రెస్ట్ ను మూవీ యూనిట్స్ చూపిస్తున్నట్లు తెలుస్తోంది.