క : పాజిటివ్ బజ్ ఉన్న ఆ విషయంలో కష్టాలు.. పాపం కిరణ్ అబ్బవరం..?
తెలుగు సినీ పరిశ్రమలో నటుడిగా తనకంటూ ఒక మంచి గుర్తింపును సంపాదించుకున్న వారిలో టాలీవుడ్ యువ నటుడు కిరణ్ అబ్బవరం ఒకరు. ఈయన రాజా వారు రాణి గారు అనే సినిమాతో హీరోగా వెండి తెరకు పరిచయం అయ్యాడు. ఈ మూవీ పర్వాలేదు అనే స్థాయి విజయాన్ని అందుకుంది. ఈ సినిమా తర్వాత ఎస్ ఆర్ కళ్యాణ మండపం సినిమాతో ఈయన మంచి విజయాన్ని సొంతం చేసుకున్నాడు. ఆ తర్వాత ఈయన అనేక సినిమాల్లో హీరోగా నటించిన అందులో సమ్మతమే , వినరో భాగ్యము విష్ణు కథ సినిమాలో నటించి మంచి విజయాలను అందుకున్నాయి. ఆఖరుగా ఈ నటుడు రూల్స్ రంజన్ అనే సినిమాతో ప్రేక్షకుల ముందుకు వచ్చాడు.
ఈ మూవీ బాక్స్ ఆఫీస్ దగ్గర బోల్తా కొట్టింది. ఇకపోతే తాజాగా ఈ యువ నటుడు "క" అనే సినిమాలో హీరోగా నటించాడు. ఈ మూవీ ని రేపు అనగా ఆక్టోబర్ 31 వ తేదీన థియేటర్లలో విడుదల చేయనున్నారు. ఈ సినిమాకు దాదాపు 10 కోట్ల ప్రి రిలీజ్ జరిగినట్లు తెలుస్తోంది. ఈ మూవీ 11 కోట్ల టార్గెట్ తో బాక్సా ఫీస్ బరిలోకి దిగబోతున్నట్లు సమాచారం. ఇక ఈ మూవీ నుండి ఇప్పటివరకు మేకర్స్ విడుదల చేసిన ప్రచార చిత్రాలు ప్రేక్షకులను బాగా ఆకట్టుకోవడం , అలాగే ఈ సినిమాలో హీరోగా నటించిన కిరణ్ ఈ మూవీ బృందం అంతా ఈ సినిమా గురించి సూపర్ పాజిటివ్గా చెబుతూ రావడంతో ఈ మూవీ పై ప్రేక్షకుల్లో మంచి అంచనాలు ఏర్పడ్డాయి. కాకపోతే ఈ సినిమాకు ఒక పెద్ద సమస్య వచ్చినట్లు తెలుస్తుంది. అదేమిటి అంటే ఈ మూవీ కి పెద్ద సంఖ్యలో థియేటర్లు దొరకడం లేదు అని ఓ వార్త వైరల్ అవుతుంది.
రేపు అనగా దీపావళి సందర్భంగా చాలా సినిమాలు విడుదలకు రెడీగా ఉండటం వల్ల అన్ని సినిమాలకు థియేటర్లను సర్దుబాటు చేయగా ఈ మూవీకి తక్కువ థియేటర్లు వచ్చినట్లు తెలుస్తోంది. మరి ఒక వేళ మంచి పాజిటివ్ టాక్ ఈ మూవీ కి వస్తే థియేటర్స్ ను పెంచుతారు. పెరుగుతాయి కలెక్షన్లు ఈజీగా వస్తాయి అని కొంత మంది అభిప్రాయ పడుతున్నారు. మరి ఈ సినిమా ఇలాంటి టాక్ ను తెచ్చుకొని ఏ స్థాయి కలెక్షన్లను వసూలు చేస్తుందో చూడాలి.