రవితేజ 'RT-75' సినిమా టైటిల్, ఫస్ట్ లుక్ పోస్టర్ రిలీజ్ కు ముహూర్తం ఫిక్స్..ఎప్పుడో తెలుసా..?
మన తెలుగు సినీ పరిశ్రమలో స్టార్ హీరోగా గుర్తింపు తెచ్చుకున్న రవితేజ నటిస్తున్న తాజా చిత్రం 'RT 75'. ఈ సినిమాపై అభిమానుల్లో భారీ అంచనాలు నెలకొన్నాయి. ఇప్పుడు ఈ సినిమాకు సంబంధించిన తాజా అప్‌డేట్స్ సోషల్ మీడియాలో వైరల్‌గా మారుతున్నాయి. ఈ సినిమా టైటిల్ ఫిక్స్ అయిందని ఫస్ట్ లుక్ పోస్టర్ విడుదలకు ముహూర్తం ఫిక్స్ చేసినట్లు వార్తలు వినిపిస్తున్నాయి. అయితే రవితేజ ధమాకా సినిమాతో బ్లాక్ బస్టర్ హిట్ ను అందుకున్న విషయం అందరికీ తెలిసిందే. కానీ ఆ సినిమా తర్వాత నటించిన టైగర్ నాగేశ్వర రావు, ఈగల్ మిస్టర్ బచ్చన్ సినిమాలు మిక్స్డ్ టాక్ ని సొంతం చేసుకున్నాయి.
దాంతో ఇప్పుడు రవితేజ తాజాగా నటించబోతున్న RT 75 సినిమాపై అభిమానులలో భారీ అంచనాలు నెలకొన్నాయి. యంగ్ హీరోయిన్ శ్రీలీల ఈ సినిమాలో నటించనుంది. ఈ జంట కెమిస్ట్రీ ఎలా ఉంటుందనేది ఆసక్తికరంగా మారింది. కాగా సితార ఎంటర్టైన్మెంట్స్ బ్యానర్ పై ఈ చిత్రం రూపొందుతుంది. ఇకపోతే ఈ సినిమాకి సంబంధించిన పూజ కార్యక్రమాలు కూడా పూర్తయ్యాయని తెలుస్తోంది. తాజాగా రవితేజ, శ్రీలీల సినిమా నుంచి అప్డేట్ రాబోతున్నట్లు మేకర్స్ అధికారికంగా విడుదల చేశారు. రేపు సాయంత్రం 4:05 గంటలకు RT 75 టైటిల్,ఫస్ట్ లుక్ పోస్టర్ విడుదల కాబోతున్నట్లు వెల్లడించారు మేకర్స్.
అంతేకాకుండా ఈ సారి దీపావళి మొత్తం మోగిపోద్ది మనదే ఇదంతా అనే పవర్ఫుల్ క్యాప్షన్ ను జత చేశారు. ఇక ప్రస్తుతం ఈ పోస్టర్ సోషల్ మీడియాలో హల్చల్ చేస్తోంది. ఇక ఈ వార్త తెలుసుకున్న మాస్ మహారాజా రవితేజ ఫ్యాన్స్ అందరూ సంతోషాన్ని వ్యక్తం చేస్తున్నారు. మనదే ఇదంతా అనే టైటిల్ ఫిక్స్ చేస్తారని అనుమానాలు వ్యక్తం చేస్తున్నారు అభిమానులు. RT 75' సినిమా కథ విషయంలో ఇంకా అధికారికంగా ఎలాంటి ప్రకటన రాలేదు. అయితే, ఈ సినిమా ఒక యాక్షన్ ఎంటర్టైనర్‌గా ఉండబోతుందని సమాచారం. రవితేజ తనదైన స్టైల్‌లో యాక్షన్ సీన్లు చేయబోతున్నట్లు తెలుస్తోంది.