లక్కీ భాస్కర్ : నాగ వంశీ అస్సలు తగ్గట్లేదుగా.. ఇప్పటికే 50 మరో 50 పెండింగ్..?
మలయాళ నటుడు దుల్కర్ సల్మాన్ గురించి ప్రత్యేక పరిచయం అవసరం లేదు. ఈయన ఇప్పటికే మలయాళ సినిమాలతో పాటు అనేక ఇతర భాష సినిమాల్లో కూడా నటించి ఎన్నో విజయాలను అందుకొని ఇండియా వ్యాప్తంగా మంచి గుర్తింపును సంపాదించుకున్నాడు. ఇకపోతే ఈ నటుడు ఇప్పటికే తెలుగు లో మహానటి , సీత రామం అనే సినిమాల్లో నటించి రెండు మూవీలతో కూడా మంచి విజయాలను అందుకొని టాలీవుడ్ ఇండస్ట్రీలో కూడా తనకంటూ ఒక మంచి గుర్తింపును సంపాదించుకున్నాడు. ఇకపోతే తాజాగా ఈ నటుడు వెంకీ అట్లూరి దర్శకత్వంలో రూపొందిన లక్కీ భాస్కర్ అనే తెలుగు సినిమాలో హీరోగా నటించాడు. మీనాక్షి చౌదరి ఈ సినిమాలో హీరోయిన్గా నటించగా ... జీ వి ప్రకాష్ కుమార్ ఈ మూవీ కి సంగీతాన్ని అందించాడు.
సితార ఎంటర్టైన్మెంట్ బ్యానర్ పై ప్రముఖ నిర్మాత సూర్య దేవర నాగ వంశీ ఈ మూవీ ని నిర్మించాడు. ఈ సినిమాను రేపు అనగా అక్టోబర్ 31 వ తేదీన దీపావళి సందర్భంగా విడుదల చేయనున్నారు. ఇకపోతే ఈ సినిమాకు సంబంధించిన పెయిడ్ ప్రీమియర్స్ ను ఈ రోజు సాయంత్రం 6 గంటలకు ప్రదర్శించనున్నారు. ఇకపోతే కొన్ని రోజుల క్రితం ఈ మూవీ బృందం ఈ సినిమాకు సంబంధించిన పెయిడ్ ప్రీమియర్ షో లను రెండు తెలుగు రాష్ట్రాల్లో కలిపి దాదాపు 100 షోలలో ప్రదర్శించనున్నట్లు అధికారికంగా ప్రకటించారు. తాజాగా ఈ మూవీ బృందం ఇప్పటికే 50 ప్లస్ ప్రీమియర్ షో లను హైదరాబాదులో ప్రదర్శించనున్నట్లు అధికారికంగా ప్రకటించింది.
అలాగే మరికొన్ని షో లను కూడా ఆడ్ చేయనున్నట్లు ఈ మూవీ బృందం తాజాగా అధికారికంగా ప్రకటించింది. మొత్తంగా రెండు తెలుగు రాష్ట్రాల్లో కలిపి 100 పెయిడ్ ప్రీమియర్ షో లను ఈ మూవీ యూనిట్ ప్రదర్శించబోతున్నట్లు తెలుస్తుంది. ఇక ఈ సినిమా ద్వారా మంచి టాక్ వస్తే ఈ మూవీ రిలీజ్ రోజు మంచి కలెక్షన్లను వసూలు చేసే అవకాశం ఉంది.