వారిని నమ్మి నేను అన్ని కోట్లు నష్టపోయాను... మణిశర్మ..?
తెలుగు సినీ పరిశ్రమలో అద్భుతమైన మ్యూజిక్ డైరెక్టర్ గా పేరు సంపాదించుకున్న వారిలో మణిశర్మ ఒకరు . మణిశర్మ కొన్ని సంవత్సరాల పాటు ఏకధాటిగా అనేక సినిమాలకు సంగీతాన్ని అందించి తెలుగు సినీ పరిశ్రమలో అద్భుతమైన సంగీత దర్శకుడిగా పేరు సంపాదించుకున్నాడు . ఇక కొంత కాలం క్రితం ఈయన సంగీతం అందించిన సినిమాల సంఖ్య తగ్గిన మళ్లీ ఈయన జోష్ పెరిగింది. కొంత కాలం క్రితం ఈయన రామ్ పోతినేని హీరోగా పూరి జగన్నాథ్ దర్శకత్వంలో రూపొందిన ఈస్మార్ట్ శంకర్ సినిమాకు సంగీతం అందించాడు.
ఈ మూవీ మంచి విజయం సాధించడం , ఈ మూవీ మ్యూజిక్ కి కూడా మంచి గుర్తింపు రావడంతో మళ్లీ ఈయన వరుస పెట్టి సినిమాలకు సంగీతం అందిస్తూ వస్తున్నాడు. ఇకపోతే తాజాగా ఈయన ఓ ఇంటర్వ్యూ లో పాల్గొన్నాడు. ఆ ఇంటర్వ్యూలో భాగంగా మీరు మీ స్నేహితులను నమ్మి చాలా పెద్ద మొత్తంలో డబ్బులు నష్టపోయారు అంట నిజమేనా అనే ప్రశ్న మణిశర్మ కు ఎదురయింది. దానికి మణిశర్మ సమాధానం చెబుతూ ... నిజమే నేను నా స్నేహితులను , నా దగ్గర వ్యక్తులను నమ్మి చాలా పెద్ద మొత్తంలో డబ్బులను పోగొట్టుకున్నాను.
ఇప్పటికి కూడా కొంత మంది వాళ్ళ నేను బాధపడుతూ ఉన్నాను. కొంత మంది జీవితంలో పైకి వెళతాను షూరిటీ పెట్టమంటే వారికి సంతకాలు పెట్టి ఇప్పటికి ఇబ్బంది పడుతున్నాను. ఇక నేను పోగొట్టుకున్న డబ్బు ఇప్పటి డబ్బుతో లెక్క కడితే దాదాపు 100 కోట్ల వరకు అయ్యే అవకాశం ఉంది అని మణిశర్మ తాజాగా ఓ ఇంటర్వ్యూలో భాగంగా చెప్పుకొచ్చాడు. ఇలా మణిశర్మ తాను నమ్మిన వ్యక్తులే నన్ను మోసం చేశారు వారి వల్ల నేను పెద్ద మొత్తంలో డబ్బు నష్టపోయాను అని తాజాగా చెప్పుకొచ్చాడు.