ఏకంగా ఆ సంస్థ చేతికి గేమ్ చేంజర్ నార్త్ హక్కులు.. ఇక హిందీలో తిరుగు లేనట్టే..?
తెలుగు సినీ పరిశ్రమలో స్టార్ హీరోలలో ఒకరు అయినటువంటి మెగా పవర్ స్టార్ రామ్ చరణ్ తాజాగా గేమ్ చేంజర్ అనే సినిమాలో హీరో గా నటించాడు. శంకర్ దర్శకత్వంలో రూపొందిన ఈ సినిమాలో ప్రముఖ నటుడు మరియు దర్శకుడు అయినటువంటి ఎస్ జే సూర్య వియన్ పాత్రలో నటించగా ... అంజలి , శ్రీకాంత్ , సునీల్ , నవీన్ చంద్ర ఈ మూవీ లో ముఖ్య పాత్రలలో నటించారు. కియార అద్వానీ ఈ సినిమాలో హీరోయిన్గా నటించగా ... ఎస్ ఎస్ తమన్ ఈ సినిమాకు సంగీతాన్ని అందించాడు.
శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు ఈ మూవీ ని అత్యంత భారీ బడ్జెట్ తో నిర్మించాడు. ఇకపోతే ఈ సినిమాను వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నట్లు ఈ మూవీ మేకర్స్ చాలా రోజుల క్రితమే అధికారికంగా ప్రకటించారు. ఇక ఈ సినిమా విడుదల తేదీ దగ్గర పడుతూ ఉండడంతో ఈ మూవీ బృందం వారు ఈ సినిమాకు సంబంధించిన ఒక్కో ఏరియా థియేటర్ హక్కులను అమ్మి వేస్తూ వస్తున్నారు. అందులో భాగంగా తాజాగా ఈ మూవీ బృందం వారు ఈ సినిమా యొక్క నార్త్ ఇండియా థియేటర్ హక్కులను అమ్మి వేశారు. తాజాగా అందుకు సంబంధించిన అధికారిక ప్రకటనలను కూడా ఈ మూవీ బృందం వారు విడుదల చేశారు. ఈ మూవీ యొక్క నార్త్ ఇండియా థియేటర్ హక్కులను ఏఏ స్మత వారు దక్కించుకున్నట్లు ఈ మూవీ బృందం అధికారికంగా ప్రకటించింది.
ఇకపోతే ఏఏ సంస్థ వారు ఈ సినిమాను నార్త్ ఇండియాలో భారీ ఎత్తున విడుదల చేయడానికి ఇప్పటి నుండే సన్నాహాలను మొదలు పెట్టినట్లు తెలుస్తోంది. ఆర్ ఆర్ ఆర్ మూవీ తో చరణ్ కు అద్భుతమైన గుర్తింపు ఇండియా వ్యాప్తంగా వచ్చింది. దానితో ఈ సినిమాపై ఇండియా వ్యాప్తంగా ప్రేక్షకుల్లో భారీ అంచనాలు నెలకొని ఉన్నాయి. మరి ఈ సినిమా ఏ స్థాయి విజయాన్ని అందుకుంటుందో చూడాలి.