స్టార్ హీరో కి పోటీగా రెబల్... గ్యాంగ్ స్టార్ గా మారబోతున్నాడా...?
టాలీవుడ్ లో ప్రస్తుతం ఎంతగానో ఆసక్తిని రేకెత్తిస్తున్న ప్రాజెక్టుల్లో ‘స్పిరిట్’ ఒకటి. దర్శకుడు సందీప్ రెడ్డి వంగా దర్శకత్వంలో, ప్రభాస్ హీరోగా నటిస్తున్న ఈ సినిమాపై అంచనాలు ఆకాశాన్ని అంటున్నాయి. సందీప్ రెడ్డి వంగా అంటేనే ఇంటెన్స్ కథనాలు, బలమైన పాత్రలు అని అర్థం. ‘అర్జున్ రెడ్డి’, ‘కబీర్ సింగ్’ వంటి సినిమాలతో తెలుగు సినీ ప్రేక్షకులను అలరించిన ఈ దర్శకుడు, తన సినిమాల్లో ప్రేమ, కోపం, నొప్పి వంటి భావోద్వేగాలను చాలా బలంగా చూపిస్తాడు. ‘స్పిరిట్’ సినిమాలో కూడా అలాంటి ఇంటెన్స్ కథనమే ఉంటుందని అంచనా. ప్రభాస్ లాంటి స్టార్ హీరోతో కలిసి సందీప్ రెడ్డి వంగా సినిమా చేయడం తో ఈ చిత్రం పై భారీ అంచనాలు నెలకొన్నాయి.
కాగా ఈ సినిమా గురించి చిత్ర బృందం అధికారకంగా ప్రకటించకపోయినప్పటకి ఇందోలో ప్రభాస్ పోలీస్ ఆఫీసర్ గా చేయబోతున్నాడనే వార్తలు చాలా రోజుల నుంచి వినిపిస్తున్నాయి. ఇక ఇప్పుదు ఈ మూవీ నుంచి ఒక ఆసక్తికరమైన విషయం సోషల్ మీడియాలో తెగ వైరల్ అవుతుంది. కథలో మలుపుల కారణంగా ప్రభాస్ పోలీస్ పాత్ర తో పాటు ఆ తర్వాత గ్యాంగ్ స్టార్ గా మారనున్నాడు అనే వార్త ఇప్పుడు సోషల్ మీడియాలో హాట్ టాపిక్ గా మారింది. అంతేకాకుండా భారీ వైల్డ్ ఎలిమెంట్స్ సినిమాలో ఫుల్ గా ఉండబోతున్నాయని ఇండియన్ సిల్వర్ స్క్రీన్ వద్ద ఇంతవరకు అలాంటి వేరియేషన్స్ ఉన్న క్యారక్టర్ రాలేదనే మాటలు కూడా వినిపిస్తున్నాయి.
దానితో పాటు గా ప్రభాస్ కి విలన్ గా మరో స్టార్ హీరో చేయబోతున్నాడనే వార్త కూడా బాగానే వినిపిస్తున్నాయి. 400 కోట్లకు పైగా భారీ బడ్జెట్ తో నిర్మిస్తున్న ఈ సినిమాని సందీప్ రెడ్డి వంగ తన సొంత బ్యానర్ భద్రకాళి పిక్చర్స్ పై నిర్మిస్తుండగా మరో ప్రతిష్టాత్మక సంస్థ టి సిరీస్ కూడా వన్ అఫ్ ది ప్రొడ్యూసర్ గా వ్యవహరిస్తున్నారు. ఇది కాసేపు పక్కన పెడితే ప్రభాస్ ఇప్పుడు ది రాజా సాబ్ సినిమా షూటింగ్లో బిజీగా ఉన్నాడు. ఇకపోతే ఈ సినిమా వచ్చే ఏడాది ఏప్రిల్ 10 నా ప్రేక్షకుల ముందుకు గ్రాండ్ గా రిలీజ్ కానుంది.