రిలీజ్ కి ముందే గేమ్ ఛేంజర్ బీట్ చేసిన బాలయ్య.. పాన్ ఇండియా మూవీకి వింత కష్టాలు..?
సంక్రాంతి పండుగ వచ్చింది అంటే చాలు రెండు తెలుగు రాష్ట్రాల్లో థియేటర్ల దగ్గర సందడి వాతావరణం నెలకొంటూ ఉంటుంది. అందుకు ప్రధాన కారణం సంక్రాంతి పండుగకు ఎక్కువ శాతం స్టార్ హీరోల సినిమాలు విడుదల అవుతూ ఉండడమే. వచ్చే సంవత్సరం సంక్రాంతి పండుగకు కూడా స్టార్ హీరోల సినిమాలు విడుదలకు రెడీ అవుతున్నాయి. అందులో భాగంగా చాలానే సినిమాలు వచ్చే సంవత్సరం సంక్రాంతి పండుగకు విడుదల కానున్నాయి. అందులో మెగా పవర్ స్టార్ రామ్ చరణ్ హీరోగా నటించిన గేమ్ చెంజర్ , వెంకటేష్ హీరోగా రూపొందుతున్న సినిమా , బాలయ్య హీరోగా తెరకెక్కుతున్న సినిమా , సందీప్ కిషన్ హీరోగా రూపొందుతున్న మజాకా సినిమాలు ఉన్నాయి.
ఇది ఇలా ఉంటే టాలీవుడ్ ఇండస్ట్రీలో ఎంతో మంది స్టార్ హీరోలు ఉన్నా సీడెడ్ ఏరియాలో అదిరిపోయే రేంజ్ మార్కెట్ కొంత మందికి మాత్రమే ఉంది. అలా సీడెడ్ ఏరియాలో అదిరిపోయే రేంజ్ మార్కెట్ ఉన్న హీరోలలో బాలకృష్ణ ఒకరు. ఈ ఏరియాలో బాలయ్య సినిమాలకు హిట్ , ఫ్లాప్ టాక్ తో ఏమాత్రం సంబంధం లేకుండా భారీ కలెక్షన్లు వస్తూ ఉంటాయి. ప్రస్తుతం బాలయ్య , బాబి దర్శకత్వంలో ఎన్బికె 109 అనే వర్కింగ్ టైటిల్ తో తెరకెక్కుతున్న సినిమాలో హీరోగా నటిస్తున్న విషయం మనకు తెలిసిందే. ఈ సినిమాకు సీడెడ్ ఏరియాకు గాను 19 కోట్ల ఫ్రీ రిలీజ్ బిజినెస్ జరిగినట్లు తెలుస్తోంది.
ఇక రామ్ చరణ్ హీరోగా రూపొందుతున్న గేమ్ చేంజర్ మూవీని కూడా వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నారు. ఈ మూవీకి సీడెడ్ ఏరియాలో 15 కోట్ల ప్రీ రిలీజ్ బిజినెస్ మాత్రమే జరిగినట్లు తెలుస్తుంది. ఈ ఏరియా విషయంలో చరణ్ కంటే బాలయ్య సినిమాకే ఎక్కువ ఫ్రీ రిలీజ్ బిజినెస్ జరిగినట్లు తెలుస్తోంది.