గేమ్ చేంజర్ డిసెంబర్ లోనే.. కానీ 20న కాదు.. బన్నీ కోసం అలాంటి నిర్ణయం తీసుకున్నాడా..?
రాజమౌళి దర్శకత్వంలో రూపొందిన ఆర్ ఆర్ ఆర్ అనే సినిమాతో మెగా పవర్ స్టార్ రామ్ చరణ్ ప్రపంచ వ్యాప్తంగా గుర్తింపును సంపాదించుకున్నాడు. ఈ మూవీ తర్వాత చరణ్ తన తండ్రి అయినటువంటి మెగాస్టార్ చిరంజీవి హీరోగా రూపొందిన ఆచార్య మూవీ లో ఓ చిన్న పాత్రలో నటించాడు. ఈ సినిమా బాక్స్ ఆఫీస్ దగ్గర బోల్తా కొట్టింది. కానీ ఈ సినిమాలోని చరణ్ నటనకు ప్రేక్షకుల నుండి మంచి ప్రశంసలే దక్కాయి. తాజాగా చరణ్ , శంకర్ దర్శకత్వంలో గేమ్ చేంజర్ అనే సినిమాలో హీరోగా నటించాడు.
ఈ మూవీ ని శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు నిర్మించాడు. కొంత కాలం క్రితం ఈ సినిమాను ఈ సంవత్సరం డిసెంబర్ 20 వ తేదిన విడుదల చేయనున్నట్లు ఈ మూవీ బృందం వారు అధికారికంగా ప్రకటించారు. కానీ ఆ తర్వాత ఈ సినిమా నుండి విడుదల అయిన ఏ పోస్టర్లో కూడా ఈ సినిమా విడుదల తేదీని మూవీ బృందం మెన్షన్ చేయలేదు. దానితో ఈ సినిమా డిసెంబర్ 20 వ తేదీన విడుదల అవుతుందా ... లేదా అనే అనుమానాలు జనాల్లో రేకెత్తాయి. ఇక ప్రస్తుతం అందుతున్న సమాచారం ప్రకారం ఈ సినిమా ఈ సంవత్సరం డిసెంబర్ నెలలోనే విడుదల అవుతుంది కానీ 20 వ తేదీన కాదు అని , ఈ సినిమాని డిసెంబర్ 25 వ తేదీన విడుదల చేసే ఆలోచనలో ఈ మూవీ బృందం ఉన్నట్లు అందుకు సంబంధించిన అధికారిక ప్రకటన కూడా మరికొన్ని రోజుల్లోనే విడుదల కానున్నట్లు ఓ వార్త ప్రస్తుతం సోషల్ మీడియాలో వైరల్ అవుతుంది.
ప్రస్తుతం అల్లు అర్జున్ హీరోగా పుష్ప పార్ట్ 2 మూవీ రూపొందుతుంది. ఈ మూవీని డిసెంబర్ 6 వ తేదీన విడుదల చేయనున్నారు. ఆ మూవీ కి , ఈ మూవీ కి మధ్య ఎక్కువ గ్యాప్ ఉండాలని గేమ్ చేంజర్ యూనిట్ ఇలాంటి నిర్ణయం తీసుకున్నట్లు పలువురు అభిప్రాయ పడుతున్నారు.