భారీ టికెట్ ధరలతో రెండు తెలుగు రాష్ట్రాల్లో దేవర.. సామాన్యుడి పై భారీ భారం..?
టాలీవుడ్ ఇండస్ట్రీలో సూపర్ క్రేజ్ కలిగిన హీరోలలో ఒకరు అయినటువంటి యంగ్ టైగర్ జూనియర్ ఎన్టీఆర్ తాజాగా దేవర సినిమాలో హీరోగా నటించిన విషయం మనకు తెలిసిందే. రెండు భాగాలుగా విడుదల కానున్న ఈ మూవీ యొక్క మొదటి భాగాన్ని సెప్టెంబర్ 27 వ తేదీన విడుదల చేయనున్నారు. ఈ సినిమాలో మోస్ట్ బ్యూటిఫుల్ నటిమని జాన్వి కపూర్ హీరోయిన్గా నటిస్తూ ఉండగా ... సైఫ్ అలీ ఖాన్ ఈ సినిమాలో విలన్ పాత్రలో కనిపించబోతున్నాడు. కొరటాల శివ దర్శకత్వంలో రూపొందుతున్న ఈ సినిమాకు అనిరుద్ రవిచంద్రన్ సంగీతం అందిస్తున్నాడు.
ఇకపోతే ఈ సినిమాను రెండు తెలుగు రాష్ట్రాల్లో భారీ టికెట్ ధరలతో ప్రేక్షకుల ముందుకు తీసుకురానున్నారు. ఇకపోతే ఇప్పటికే ఈ సినిమాకు టికెట్ ధరలను పెంచుకునేందుకు గాను రెండు తెలుగు రాష్ట్రాలు అనుమతిని ఇచ్చినట్లు తెలుస్తోంది. ప్రస్తుతం అందుతున్న సమాచారం ప్రకారం దేవర సినిమాకు సంబంధించిన టికెట్ ధరలు నైజాం ఏరియాలో మల్టీ ప్లెక్స్ లలో 413 రూపాయలుగా ఉండబోతున్నట్లు , సింగిల్ స్క్రీన్ లలో 250గా ఉండబోతున్నట్లు తెలుస్తుంది. ఆంధ్రప్రదేశ్ లో మల్టీ ప్లెక్స్ లలో 365 రూపాయలుగా టికెట్ ధర ఉండనున్నట్లు , సింగల్ స్క్రీన్ లలో 200 రూపాయలు ఉండనున్నట్లు తెలుస్తోంది.
ఇలా ఈ సినిమా భారీ టికెట్ ధరలతో ప్రేక్షకుల ముందుకు రాబోతున్నట్లు సమాచారం. ఇది ఇలా ఉంటే దేవర సినిమాకు సంబంధించిన టికెట్ ధరలు భారీగా ఉండటంతో సామాన్య ప్రజలకు ఈ సినిమా చూడడం కాస్త క్లిష్టమైన విషయమే అని చెప్పవచ్చు. ఇకపోతే ప్రస్తుతానికి ఈ సినిమాపై ప్రేక్షకుల్లో భారీ అంచనాలు ఉన్న నేపథ్యంలో ఈ మూవీ కి మంచి టాక్ వచ్చినట్లు అయితే పెరిగిన టికెట్ ధరలతో ఈ మూవీ కి భారీ కలెక్షన్లు మొదటి రోజు వచ్చే అవకాశం ఉంది.