షాక్ కి గురి చేస్తున్న దేవర రన్ టైం.. అన్ని గంటలంటే కష్టమే..!?
మ్యాన్ ఆఫ్ మాసెస్ ఎన్టీఆర్ హీరోగా బాలీవుడ్ యంగ్ హీరోయిన్ జాన్వీ కపూర్ హీరోయిన్ గా దర్శకుడు కొరటాల శివ తెరకెక్కిస్తున్న అవైటెడ్ పాన్ ఇండియా చిత్రం “దేవర” కోసం అందరికీ తెలిసిందే. మరి ఈ చిత్రం కోసం అభిమానులు ఆసక్తిగా ఎదురు చూస్తుండగా ఈ సినిమాలో పాటల పై కూడా భారీ క్రేజ్ అయితే నెలకొంది. మరి ఈ సినిమా నుంచి నేడు రిలీజ్ చేయనున్న మూడో సాంగ్ కోసం ఇప్పుడు అంతా ఆసక్తిగా ఎదురు చూస్తున్నారు. అనిరుద్ కంపోజ్ చేసిన ఈ మూడో సాంగ్ డైరెక్ట్ గా ఫుల్ వీడియో సాంగ్ గా వస్తుంది అన్నట్టు టాక్ ఉంది. అందుకే దీనిపై అందరి దృష్టి మరింత ఎక్కువ ఉంది అని చెప్పాలి. ఆల్రెడీ
వచ్చిన పోస్టర్ కానీ ప్రోమో కానీ మంచి రెస్పాన్స్ ని అందుకున్నాయి. ఇక ఈ సాంగ్ కి తారక్ వేసే మాస్ స్టెప్పుల కోసం అంతా ఆసక్తిగా ఎదురు చూస్తున్నారు. మరి ఎన్టీఆర్ లాంటి డైనమైట్ కోసం అనిరుద్ ఎలాంటి గీతాన్ని అందించాడో చూడాలి. ఇదిలా ఉంటే ప్రస్తుతం షూటింగ్ ముగించుకున్న దేవర సెప్టెంబరు 27 న అత్యంత భారీ స్థాయిలో వరల్డ్ వైడ్ గా రిలీజ్ కానుంది. కాగా ఈ చిత్రం రన్ టైమ్ తారక్ అభిమానులను కాస్త ఆందోళననకు గురి చేస్తోంది. దేవర మొత్తంగా 3 గంటల 10 నిమిషాల రన్ టైమ్ తో రానుంది. అంత నిడివి అంటే కాస్తంత ఇబ్బందే అని చెప్పక తప్పదు. భారతీయుడు – 2, అంటే.. సుందరానికి, టైగర్
నాగేశ్వరరావు వంటి సినిమాలు దాదాపు 3 గంటల వ్యవధితో వచ్చి ఫ్లాప్ గా మిగిలాయి. స్క్రీన్ ప్లే తో మ్యాజిక్ చేస్తూ సినిమాను నడిపితే తప్ప కొంచం అటు ఇటు అయిన ఆడియన్స్ తిప్పికొడతారు. అదే ఇప్పుడు ఎన్టీయార్ ఫ్యాన్స్ ను కలవరపెడుతుంది. కానీ దేవర ఇంకా సెన్సార్ జరగలేదని అది అయ్యకే ఫైనల్ రన్ టైమ్ లాక్ చేస్తారని యూనిట్ సభ్యుల టాక్. మరోవైపు ఈ చిత్రాన్ని రెండు తెలుగు రాష్ట్రాల్లో సితార ఎంటర్టైన్మెంట్స్ నిర్మాత సూర్యదేవర నాగవంశీ కొనుగోలు చేసారు...!!