దేవర కోసం ఏకంగా అన్ని ఈవెంట్స్.. ప్రారంభం అయ్యేది అక్కడే..?
తెలుగు సినీ పరిశ్రమలో అద్భుతమైన గుర్తింపు కలిగిన నటులలో యంగ్ టైగర్ జూనియర్ ఎన్టీఆర్ ఒకరు. ఎన్టీఆర్ ఆఖరుగా రాజమౌళి దర్శకత్వంలో రూపొందిన ఆర్ ఆర్ ఆర్ అనే భారీ బడ్జెట్ పాన్ ఇండియా మూవీలో హీరోగా నటించాడు. ఈ మూవీ భారీ అంచనాల నడుమ విడుదల అయ్యి అద్భుతమైన విజయాన్ని అందుకుంది. అలాగే ఈ సినిమా బాక్స్ ఆఫీస్ దగ్గర 1200 కోట్లకు పైగా కలెక్షన్లను రాబట్టింది. ఈ సినిమాకు ఎన్నో పురస్కారాలు కూడా లభించాయి. ఈ మూవీ కి ఆస్కార్ అవార్డు దక్కడంతో జూనియర్ ఎన్టీఆర్ కి ఈ మూవీ ద్వారా గ్లోబల్ గా క్రేజ్ కూడా వచ్చింది.
ఇక ఆర్ ఆర్ ఆర్ మూవీ తో అద్భుతమైన విజయాన్ని , సూపర్ క్రేజ్ ను సంపాదించుకున్న ఎన్టీఆర్ ప్రస్తుతం కొరటాల శివ దర్శకత్వంలో రూపొందుతున్న దేవర అనే సినిమాలో హీరోగా నటిస్తున్నాడు. జాన్వి కపూర్ హీరోయిన్గా నటిస్తున్న ఈ మూవీ లో సైఫ్ అలీ ఖాన్ విలన్ పాత్రలో కనిపించబోతున్నాడు. అనిరుద్ రవిచంద్రన్ ఈ సినిమాకు సంగీతం అందిస్తున్నాడు. మొత్తం రెండు భాగాలుగా విడుదల కానున్న ఈ సినిమా యొక్క మొదటి భాగాన్ని ఈ సంవత్సరం సెప్టెంబర్ 27 వ తేదీన విడుదల చేయనున్నారు. ఈ మూవీ విడుదల తేదీ దగ్గర పడిన నేపథ్యంలో ఈ చిత్ర బృందం ఈ సినిమాకు సంబంధించిన ప్రమోషన్లను దేశ వ్యాప్తంగా చేయడానికి డిసైడ్ అయినట్లు తెలుస్తోంది.
అందులో భాగంగా మొదట ఈ మూవీ బృందం ముంబై నుండి ఈ సినిమా ప్రమోషన్లను మొదలు పెట్టనున్నట్లు , ఆ తర్వాత దేశ వ్యాప్తంగా అనేక ప్రాంతాలలో ఈవెంట్ లను నిర్వహించి ప్రమోషన్లను భారీ స్థాయిలో చేసే విధంగా ప్రణాళికలను రూపొందించినట్లు తెలుస్తోంది. ప్రస్తుతానికి ఈ సినిమాపై ఇండియా వ్యాప్తంగా ప్రేక్షకుల్లో భారీ అంచనాలు ఉన్నాయి. మరి ఈ సినిమా ప్రేక్షకుల అంచనాలను అందుకుని భారీ విజయాన్ని అందుకుంటుందో లేదో చూడాలి.